પરિણીતા માટે મોબાઈલ નંબર લખી ચિઠ્ઠી નાખનાર શખ્સને ચાર જણાએ લમધારી નાખ્યો

Author: નોબત સમાચાર

પરિણીતા માટે મોબાઈલ નંબર લખી ચિઠ્ઠી નાખનાર શખ્સને ચાર જણાએ લમધારી નાખ્યો

મોરઝરમાં યુવક પર દંપતીનો હુમલોઃ

જામનગર તા. ૧૩: ભાણવડમાં પારકી પરણેતરને એક શખ્સે મોબાઈલ નંબર લખી ચિઠી નાખી હતી. તે બાબતે ચાર શખ્સે આ યુવાનને લમધારી નાખ્યો છે. જ્યારે હોટલના કામના પૈસાના મુદ્દે બોલાચાલી પછી ભાણવડના મોરઝરમાં એક યુવાન પર દંપતીએ હુમલો કરી માર માર્યાે છે.

ભાણવડના એસટી રોડ પર રહેતા જય રતનશીભાઈ નકુમ નામના યુવાને ત્યાં રહેતા એક પરીણીતા માટે મોબાઈલ નંબર લખીને ચિઠ્ઠી નાખી હતી. આ બાબતનો ખાર રાખી હાર્દિક કારેણા નામના શખ્સ તથા ત્રણ અજાણ્યાએ શનિવારે સાંજે જય નકુમ પર પાઈપ, ધોકા, કેમેરાના પાઈપ વડે હુમલો કરી માર માર્યાે હતો અને જયના મોટરસાયકલમાં રૂ।.વીસેક હજારનું નુકસાન કર્યું હતું.

ભાણવડના મોરઝરમાં રહેતા રાજુ કાનાભાઈ મકવાણા નામના યુવાનને મોરઝર ગામના જ ભરત ભીખુભાઈ પરમાર સાથે વડોદરામાં હોટલમાં કામ કરવાના પૈસા બાબતે બોલાચાલી થઈ હતી અને રાજુએ વડોદરામાં ફરિયાદ નોંધાવી હતી. તેનું મનદુખ રાખી શનિવારે ભરતના પિતા ભીખુભાઈ તથા માતા જશુબેને ધોકા, ઢીકાપાટુથી હુમલો કરી રાજુને માર મારતા આ યુવાનને ફ્રેક્ચર થઈ ગયું છે. તેણે ભાણવડ પોલીસ સ્ટેશનમાં ફરિયાદ નોંધાવી છે.

જો આપને આ પોસ્ટ ગમી હોય તો શેર કરો...