Author: નોબત સમાચાર
કાલાવડ પંથકમાં પવનચક્કીઓમાંથી કોપર વાયરની ચોરી કરનાર બે ઝબ્બે
ચોરાઉ વાયર સહિત રૂ.ર લાખ ઉપરાંતનો મુદ્દામાલઃ
જામનગર તા. ૭: કાલાવડના મોટી વાવડી તથા હકુમતી સરવાણીયા ગામની સીમમાં પવનચક્કીઓમાંથી ચોરાયેલા કોપર વાયર સાથે બે શખ્સને પોલીસે પકડી લીધા છે. આ શખ્સોએ ચોરીની કબૂલાત આપી ચોરાઉ વાયર, સાધનો તેમજ ચોરી કરવા માટે વાપરેલુ બાઈક કાઢી આપ્યું છે.
કાલાવડ તાલુકાના મોટી વાવડી ગામની સીમમાં આવેલી એક પવનચક્કીની સાઈટ પરથી તેમજ હકુમતી સરવાણીયા ગામની સીમમાં બે પવનચક્કીમાંથી અર્થિંગના કોપર વાયરની ચોરી થયાની પોલીસમાં ફરિયાદ કરવામાં આવી હતી. પીઆઈ પીજી પનારા તથા સ્ટાફ દ્વારા તેની તપાસ આરંભાઈ હતી.
તે દરમિયાન ઉપરોક્ત ચોરીઓમાં સંડોવાયેલા બે શખ્સ અરલા ગામથી મચ્છલી વડ ગામ તરફ જતા હોવાની બાતમી મળતા પોલીસ સ્ટાફ વોચમાં ગોઠવાયો હતો. જેમાં મૂળ ખેડા જિલ્લાના વતની અને હાલમાં પ્રભુજી પીપળીયા રોડ પર રહેતા શૈલેષ રમેશ ભાઈ ગોહિલ તથા વિમલ પ્રવીણભાઈ સોલંકી ઉર્ફે જગો નામના બે શખ્સ બાઈક પર પસાર થયા હતા.
આ શખ્સોને રોકાવી પોલીસે ચેક કરતા આ શખ્સોએ ચોરાઉ ૩૬ મીટર વાયર કાઢી આપી ચોરીની કબૂલાત કરી છે. પોલીસે જીજે-૩-બીજી ૭૩૯ નંબરનું બાઈક, લોખંડની છીણી, હથોડી, ગ્રાઈન્ડર, તણી, ચોરાઉ વાયર મળી રૂ.૨ લાખ ૧૩૬૪૦નો મુદ્દામાલ કબજે કર્યાે છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
