Author: નોબત સમાચાર
પાસપોર્ટ તથા એર ટિકિટવાળંુ બેગ રિક્ષામાં ભુલાઈ જતાં તાત્કાલિક શોધી કાઢતી પોલીસ
ચાર વાગ્યાની ફ્લાઈટ અને અગિયાર વાગ્યે બેગ ભુલાયું:
જામનગર તા. ૧૩: જામનગરમાં મંગળવારે એક નેપાળી નાગરિકનું પાસપોર્ટ તેમજ એર ટિકિટવાળું બેગ એક રિક્ષામાં રહી ગયા પછી પોલીસના કમાન્ડ કંટ્રોલ સેન્ટરને જાણ કરાતા તાત્કાલિક હરકતમાં આવેલી સેન્ટરની ટીમે એકાદ કલાકમાં જ તે રિક્ષા શોધી કાઢી બેગ માલિકને પરત અપાવ્યું હતું.
જામનગરમાં વસવાટ કરતા મૂળ નેપાળના અજય રોનાર નામના આસામી મંગળવારે સવારે સમર્પણ સર્કલથી દિગ્જામ સર્કલ જવા માટે મિત્ર સાથે રિક્ષામાં બેઠા હતા. આ વેળાએ તેઓનંુ બેગ રિક્ષામાં ભુલાઈ ગયું હતું.
આ બેગમાં અજયનો પાસપોર્ટ, ફલાઈટની એક ટિકિટ, રોકડ રકમ હતી. આ ટિકિટ મંગળવારની બપોરે ચાર વાગ્યે રાજકોટથી કાઠમંડુ સુધીની હતી અને બપોરે બે વાગ્યે રાજકોટ એરપોર્ટમાં અજયને પહોંચી જવાનું હતું અને સવારે અગિયારેક વાગ્યે તેનું પર્સ ગુમ થતા આ યુવાન હાંફળોફાંફળો બન્યો હતો.
આ બાબતની રજૂઆત સાથે તેણે પોલીસના કમાન્ડ એન્ડ કંટ્રોલ સેન્ટરનો સંપર્ક કરતા પીએસઆઈ બી.બી. સીંગલની સૂચનાથી પોલીસ ટીમ હરકતમાં આવી હતી. તે વિસ્તારના સીસીટીવી ફૂટેજ ચકાસી પોલીસે રિક્ષા શોધી કાઢી હતી અને તેના ચાલક પાસેથી બેગ પરત મેળવી એકાદ કલાકમાં જ અજયને તેની બેગ સોંપી આપતા આ યુવાન હર્ષભેર અને પોલીસનો આભાર માની એરપોર્ટ પહોંચ્યો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
