સગીરા પર દુષ્કર્મના ગુન્હામાં ચાર આરોપીને ૨૦ વર્ષની ફટકારાઈ સજા

Author: નોબત સમાચાર

સગીરા પર દુષ્કર્મના ગુન્હામાં ચાર આરોપીને ૨૦ વર્ષની ફટકારાઈ સજા

જામનગર તા. ૧૧: જામનગરના શેખપાટ ગામમાં ત્રણ વર્ષ પહેલાં એક સગીરા પર નવ શખ્સે ગુજારેલા દુષ્કૃત્યના કારણે ગર્ભવતી બની ગયેલી સગીરાએ બાળકને જન્મ આપ્યો હતો. તે પછી દુષ્કર્મનો ભાંડો ફૂટતા તેણીની માતાએ પોલીસમાં ફરિયાદ નોંધાવી હતી. જામનગરની ખાસ પોક્સો અદાલતે આરોપી પૈકીના ચારને ૨૦ વર્ષની કેદની સજા ફટકારી છે અને સગીરાને પુનઃવર્સન માટે રૂ.પ લાખનું વળતર અપાવ્યું છે.

જામનગર-રાજકોટ ધોરીમાર્ગ પર આવેલા શેખપાટ ગામમાં રહેતી એક સગીરા પર વર્ષ ૨૦૨૨માં શેખપાટ ગામમાં હરપાલસિંહ અજીતસિંહ જાડેજા, કમલેશ પટેલ ઉર્ફે કવા, બાબભા ઉર્ફે ભીખુભા જાડેજા, મહેન્દ્રસિંહ રાજેન્દ્રસિંહ જાડેજા નામના ચાર શખ્સ ઉપરાંત પાંચ શખ્સે દુષ્કર્મ ગુજાર્યું હતું.

આ સગીરાને જુદા જુદા સ્થળે લઈ જઈ આ શખ્સોએ લલચાવી ફોસલાવી દુષ્કર્મ ગુજાર્યું હતું. દુષ્કૃત્યના કારણે ગર્ભવતી બની ગયેલી તરૂણીએ બાળકને જન્મ આપતા આ મામલો પોલીસ મથક સુધી પહોંચ્યો હતો. તેણીની માતાએ જે તે વખતે પોલીસમાં ફરિયાદ નોંધાવતા પોલીસે ગુન્હો નોંધી તમામ આરોપીઓની ધરપકડ કરી હતી.

ઉપરોક્ત કેસ જામનગરની ખાસ પોક્સો અદાલતમાં ચાલવા પર આવતા મૂળ ફરિયાદીના વકીલ ધર્મેશ ગોંડલીયા તથા પીપી મુકેશ જાનીએ કરેલી દલીલો ગ્રાહ્ય રાખી અદાલતે આરોપી પૈકીના હરપાલસિંહ જાડેજા, કમલેશ પટેલ, બાબભા જાડેજા, મહેન્દ્રસિંહ જાડેજાને તક્સીરવાન ઠરાવ્યા પછી પોક્સો એક્ટની કલમ ૪ હેઠળ ૧૦ વર્ષની કેદ અને રૂ.૧૦ હજારનો દંડ ફટકાર્યાે છે. જ્યારે પોક્સો એક્ટની કલમ ૬ હેઠળ ૨૦ વર્ષની કેદ અને રૂ.પ હજારનો દંડ ફટકાર્યાે છે. ભોગ બનનાર સગીરાને પુનવર્સન માટે કમ્પેઈન્સેશનમાંથી રૂ.પ લાખનું વળતર ચૂકવવામાં આવશે.

જો આપને આ પોસ્ટ ગમી હોય તો શેર કરો...