Author: નોબત સમાચાર
જાણો ૮ સપ્ટેમ્બર થી ૧૪ સપ્ટેમ્બર ૨૦૨૫ સુધીનું સાપ્તાહિક ભવિષ્ય
સિંહ સહીત ત્રણ રાશિને આવનારા સપ્તાહમાં વિવાદ રહે, આર્થિક લાભ થાય
Aries (મેષ: અ-લ-ઈ)
આપના માટે પ્રવાસ-મુસાફરીના યોગ સાથે લાવતું સપ્તાહ શરૂ થવા જાય છે. આ સપ્તાહના સમયગાળા દરમિયાન નાની-મોટી યાત્રા-પ્રવાસનું આયોજન શક્ય બને. સ્નેહી-સગા સાથે સંબંધો સુભેળભર્યા બની રહે. ઘર-પરિવારનું વાતાવરણ શાંતિમય બની રહે. આનંદ અનુભવી શકશો, જો કે આર્થિક સ્થિતિ કથળતી જણાય. ભૌતિક સુખ-સગવડના સાધનો પાછળ ખર્ચ કરવા પ્રેરાશો, જેથી કંઈક અંશે નાણાભીડનો અનુભવ થાય. માન-સન્માનમાં વધારો જોવા મળે. આરોગ્ય બાબતે તકેદારી રાખવી. તા. ૮ થી ૧૧ સાનુકૂળ. તા. ૧ર થી ૧૪ પ્રવાસ-પર્યટન.
Taurus (વૃષભ: બ-વ-ઉ)
તમારા માટે મિશ્ર પ્રકારનો સમય સાથે લાવતું સપ્તાહ શરૂ થવા જાય છે. આ સપ્તાહના દિવસો દરમિયાન આપે ભાગ્ય ઉપર નિર્ભર રહેવું પડે. વ્યાવસાય ક્ષેત્રે મંદીનો સામનો કરવો પડે. ધાર્યોલાભ અટકતા થોડા-ઘણાં અંશે નાણાભીડનો સામનો કરવો પડે. જાહેરજીવન ક્ષેત્રે શત્રુ વિરોધીઓને પરાસ્ત કરી શકશો. આબરૂ-કીર્તિમાં વધારો થતો જોવા મળે. પારિવારિક ક્ષેત્રે ભાઈ-ભાંડુ સાથે બોલાચાલી-મતભેદ થઈ શકે છે. સ્વાસ્થ્ય બાબતે સમય સુખદ હોય, બગડેલું સ્વાસ્થ્ય સુધરતા રાહત અનુભવાય. તા. ૮ થી ૧૧ નાણાભીડ. તા. ૧ર થી ૧૪ પ્રવાસ.
Gemini (મિથુન: ક-છ-ધ)
આપના માટે મિલન-મુલાકાત કરાવનારૂ સપ્તાહ શરૂ થવા જાય છે. આ સપ્તાહના સમયગાળા દરમિયાન કોઈ પ્રતિષ્ઠિત વગદાર વ્યક્તિ સાથે મિલન-મુલાકાત થાય, જે ભવિષ્યમાં આપના માટે લાભદાયી સાબિત થાય. નોકરી-ધંધામાં શાંત ચિત્તે નિર્ણય લેવા. વિદ્યાર્થી વર્ગ માટે સમય શુભ ફળદાયી બની રહે. ભાઈ-ભાંડુ કે કુટુંબીજનો સાથે પૈતૃક સંપત્તિ બાબતે વાદ-વિવાદ થવાની સંભાવના જણાય છે. ઘર-પરિવાર માટે કોઈ નવીન ચીજવસ્તુની ખરીદી શક્ય બને. નાણાકીય બાબતે સમય સાનુકૂળ બનતો જણાય. તા. ૮ થી ૧૧ મિશ્ર. તા. ૧ર થી ૧૪ મિલન-મુલાકાત.
Cancer (કર્ક: ડ-હ)
તમારા માટે તબિયતની કાળજી રાખવાની સલાહ આપતું સપ્તાહ શરૂ થવા જાય છે. આ સપ્તાહના દિવસો દરમિયાન આરોગ્ય નરમ-ગરમ રહી શકે છે. આહાર-વિહારમાં કાળજી રાખવી અન્યથા ડોક્ટરની પરાણે મુલાકાતે જવું પડી શકે છે. વ્યાપાર-વ્યવસાયમાં મંદ ગતિએ પણ પ્રગતિ સાધી શકશો. નાણાકીય સ્થિતિ સુધરતી જણાય. નાણા પ્રાપ્તિના માર્ગો ખૂલતા જણાય. સામાજિક જીવનમાં નાની-મોટી મુશ્કેલીઓનો સામનો કરવો પડી શકે છે. ધાર્મિક-માંગલિક પ્રસંગમાં સહભાગી થવાનો અવસર મળે. તા. ૮ થી ૧૧ આર્થિક લાભ. તા. ૧ર થી ૧૪ સ્વાસ્થ્ય સાચવવું.
Leo (સિંહ: મ-ટ)
આપના માટે કાર્યબોજ વધારનારો સમય સાથે લાવતું સપ્તાહ શરૂ થવા જાય છે. આ સપ્તાહના સમયગાળા દરમિયાન એક કરતા વધારે જવાબદારીઓને કારણે આપ વ્યસ્ત રહેતા જણાવ. કામનું ભારણ આપના ચહેરા પર સ્પષ્ટ વર્તાય, જો કે મહેનતનું મીઠું ફળ પણ ચાખી શકશો. વ્યાપાર-ધંધામાં તેજીના દર્શન થાય. ગૃહસ્થ જીવનમાં વડીલ વર્ગ સાથે ઘર્ષણ ટાળવું. સંબંધોની ગરિમા જાળવતા શીખવું પડશે. રાજકીય પ્રવૃત્તિ સાથે સંકળાયેલા જાતકોએ શત્રુ વિરોધીઓથી સાવધાન રહેવું. આરોગ્ય સુધરે. તા. ૮ થી ૧૧ કાર્યબોજ. તા. ૧ર થી ૧૪ લાભદાયી.
Virgo (કન્યા: પ-ઠ-ણ)
તમારા માટે નાણાભીડ દૂર કરતું સપ્તાહ શરૂ થવા જાય છે. આ સપ્તાહના દિવસો દરમિયાન ભવિષ્યની યોજનાઓ અંગે આપ સજાગ બનતા જણાવ. વ્યાપાર-ધંધામાં લાભની તક મળે તે ઝડપી લેજો. નાણા પ્રાપ્િંતની ઈચ્છા ફળીભૂત થતા ખર્ચાઓને પહોંચી વળવા સક્ષમ બનશો. પારિવારિક ક્ષેત્રે કોઈ ધાર્મિક કે માંગલિક કાર્યનું આયોજન થઈ શકે છે. કોઈ મહેમાન આપના ઘરની ઓચિંતી મુલાકાતે આવી શકે છે. યાત્રા-પ્રવાસ કંટાળાજનક તથા તકલીફદાયક બની રહે. સ્વાસ્થ્ય એકંદરે સારૂ રહે. તા. ૮ થી ૧૧ લાભદાયી. તા. ૧ર થી ૧૪ ધાર્મિક કાર્ય થાય.
Libra (તુલા: ર-ત)
આપના માટે પરિવર્તનશીલ સમય સાથે લાવતું સપ્તાહ શરૂ થવા જાય છે. આ સપ્તાહના સમયગાળા દરમિયાન ગ્રહગોચર બદલાતા તેમજ આપના પક્ષે આવતા જણાય. વ્યાપાર-ધંધા-વ્યવસાયમાં આકસ્મિક ધનલાભ પ્રાપ્ત થઈ શકે છે. સ્વાસ્થ્ય બાબતે કોઈ સમસ્યા હશે તો તેમાં ધીમી ગતિએ પણ સુધારો જોવા મળે. ગૃહસ્થ જીવનનું વાતાવરણ ઉગ્ર બની શકે છે. જીવનસાથી સાથે સુલેહભર્યું વાતાવરણ બનાવી રાખવું. વાણી ઉપર સંયમ રાખવો શ્રેષ્ઠ રહેશે. જમીન-મકાનના પડતર પ્રશ્નોનો નિકાલ લાવવામાં સફળતા મળે. તા. ૮ થી ૧૧ તણાવ રહે. તા. ૧ર થી ૧૪ શુભ ફળદાયી.
Scorpio (વૃશ્ચિક: ન-ય)
તમારા માટે ખર્ચ-વ્યયનો યોગ સાથે લાવતું સપ્તાહ શરૂ થવા જાય છે. આ સપ્તાહના દિવસો દરમિયાન આપ ઘર-પરિવાર માટે કોઈ નવીન ચીજવસ્તુની ખરીદી કરી શકશો, પરંતુ આવક કરતા ખર્ચનું પ્રમાણ વધી ન જાય તેનું ધ્યાન રાખવું, જો કે જરૂર પૂરતી આર્થિક સહાય મળી રહે, જેના કારણે નાણાકીય સ્થિતિ સરભર બની રહે. કૌટુંબિક ક્ષેત્રે શુભ પ્રસંગો, માંગલિક પ્રસંગોનું આયોજન થાય. જમીન-મકાન અંગેના વિવાદોનો અંત આવતો જણાય. સ્વાસ્થ્ય બાબતે ઋતુગત રોગોથી સાવધાની રાખવી. તા. ૮ થી ૧૧ ખર્ચાળ. તા. ૧ર થી ૧૪ સાનુકૂળ.
Sagittarius (ધન: ભ-ધ-ફ-ઢ)
આપના માટે નવીન કાર્ય રચના કરાવતો સમય સાથે લાવતું સપ્તાહ શરૂ થવા જાય છે. આ સપ્તાહના સમયગાળા દરમિયાન વ્યાપાર-ધંધામાં નવી દિશા કે ક્ષેત્રમાં ઝંપલાવી શકો છો. આવક વૃદ્ધિના માર્ગો ખૂલતા જણાય. આપની સુઝબુઝ દ્વારા ધારી સફળતા મળતા સમય ઉત્સાહવર્ધક બની રહે. કૌટુંબિક ક્ષેત્રે ભાઈ-ભાંડુ સાથે તકરાર-મતભેદ ઊભા થઈ શકે છે. આરોગ્ય બાબતે પડવા-વાગવાથી સાવધાન રહેવું. વાહન ચલાવવામાં તકેદારી રાખવી ઈચ્છનિય રહેશે. તા. ૮ થી ૧૧ નવીન કાર્ય થાય. તા. ૧ર થી ૧૪ સફળતાદાયક.
Capricorn (મકર: ખ-જ)
તમારા માટે શુભ સમય સાથે લાવતું સપ્તાહ શરૂ થવા જાય છે. આ સપ્તાહના સમયગાળા દરમિયાન કોઈ શુભ સમાચાર પ્રાપ્ત થવાની સંભાવના જણાય છે. વિદ્યાર્થી વર્ગને પરીક્ષા-પ્રતિસ્પર્ધામાં સફળતા મળવાના યોગ બને. નોકરિયાત વર્ગને ઉપરી અધિકારી તરફથી લાભ પ્રાપ્ત થાય. વ્યાપાર-વ્યવસાયમાં પ્રગતિના દર્શન કરી શકશો. ગૃહસ્થ જીવનમાં નાના-મોટા મતભેદ થઈ શકે. રાજકીય પ્રવૃત્તિ સાથે સંકળાયેલા જાતકોને માન-સન્માન પ્રાપ્ત થઈ શકે. આરોગ્ય બાબતે સમય નરમ-ગરમ જોવા મળે. તા. ૮ થી ૧૧ શુભ. તા. ૧ર થી ૧૪ વિવાદ ટાળવા.
Aquarius (કુંભ: ગ-શ-સ)
આપના માટે કૌટુંબિક કાર્યો કરાવનારો સમય સાથે લાવતું સપ્તાહ શરૂ થવા જાય છે. આ સપ્તાહના દિવસો દરમિયાન ઘર-પરિવારના અધુરા કાર્યો પૂરા કરવા તત્પર બનશો. માતા-પિતા, વડીલ વર્ગના આશીર્વાદ આપની મનોકામના પૂર્ણ કરી શકશે. આરોગ્ય અંગે કોઈ સમસ્યા હશે તો ધીમે ધીમે દુર થતી જણાય. નાણાકીય સ્થિતિ લથડતી જણાય. આકસ્મિક ખર્ચાઓને કારણે આર્થિક બજેટ ખોરવાતું જણાય. નોકરિયાત વર્ગને કાર્યબોજ હળવો થતો જણાય. જાહેરજીવન ક્ષેત્રે સમય વ્યસ્ત બને. યાત્રા-પ્રવાસ આનંદદાયી, પરંતુ ખર્ચાળ પૂરવાર થાય. તા. ૮ થી ૧૧ સ્વાસ્થ્ય સુધરે. તા. ૧ર થી ૧૪ પારિવારિક કાર્ય થાય.
Pisces (મીન: દ-ચ-ઝ-થ)
તમારા માટે વેપાર-ધંધા ક્ષેત્રે લાભદાયી સમય સાથે લાવતું સપ્તાહ શરૂ થવા જાય છે. આ સપ્તાહના સમયગાળા દરમિયાન આપના કાર્યક્ષેત્રે સફળતાના દ્વારો ખૂલતા જણાય. મહેનતનું મીઠું ફળ ચાખવા મળી શકે છે. કોઈ નવીન કાર્ય કે યોજનાને અમલમાં મૂકવા માટે સમય શ્રેષ્ઠ જણાય છે. પારિવારિક ક્ષેત્રે માતા-પિતા કે વડીલ વર્ગનું સ્વાસ્થ્ય ચિંતાનું કારણ બની શકે. માનસિક દૃષ્ટિએ ચિંતા-ઉદ્વેગ રહે. જાહેરજીવન ક્ષેત્રે વિરોધીઓ નબળા પડતા જણાય. યાત્રા-પ્રવાસ અંગે સાનુકૂળતા રહે. મોજશોખના સાધનોની ખરીદી થાય. કોર્ટ-કચેરી અંગે સમાધાનકારી વલણ અપનાવવું પડે. તા. ૮ થી ૧૧ વ્યાવસાયિક લાભ. તા. ૧ર થી ૧૪ મધ્યમ ફળદાયી.
અન્ય સમાચારો
