Author: નોબત સમાચાર
ઘર પાસેથી ઘોડો ચલાવવાની બાબતે ઝઘડા પછી બે શખ્સે માર મારી મોબાઈલ તોડ્યો
એક યુવકને બે શખ્સે ધોકાવી પૈસા પડાવી લીધાઃ
જામનગર તા. ૧: જામનગરના લાલખાણ વિસ્તારમાં ઘર પાસેથી ઘોડો ચલાવવાની બાબતે થયેલી માથાકૂટનો ખાર રાખી એક યુવાન પર બે શખ્સે હુમલો કર્યાે હતો અને એક યુવાનને બે શખ્સે માર મારી રૂ.૭ હજાર બળજબરીથી કઢાવી લીધાની પોલીસમાં ફરિયાદ કરાઈ છે.
જામનગરના ખોજાનાકા વિસ્તારમાં લાલખાણ નજીક મદીના મસ્જિદ પાસે રહેતા તૌફિક બોદુભાઈ ખફી નામના યુવાનને બેએક મહિના પહેલાં સુમરા ચાલીમાં રહેતા રોમાન અલ્તાફ ખફી સાથે ઘર પાસેથી ઘોડો ચલાવવાની બાબતે બોલાચાલી થઈ હતી.
આ બાબતનો ખાર રાખી બુધવારે રાત્રે રોમાન તથા સદામ બશીર ખફી નામના શખ્સોએ લાલખાણ પાસે રોકી લઈ તૌફિક બોદુભાઈને ગાળો ભાંડ્યા પછી માર મારવા ઉપરાંત સદામ ખફીએ ચાવીથી ઈજા પહોંચાડી હતી અને આ શખ્સોએ તૌફિક ખફીના મોબાઈલની ડીસ્પલે પણ તોડી નાખી રૂ.૪ હજારનું નુકસાન કર્યું હતું અને રોમાન ખફીએ મારી નાખવાની ધમકી આપી હતી.
જામનગરના લાલવાડી વિસ્તાર પાસે નાગમતી ભવનમાં રહેતા અજય રમેશભાઈ દાઉદરા નામના યુવાનને ગયા શુક્રવારે સાંજે નેશનલ સોસાયટી પાસે હતા ત્યારે તેમનો મિત્ર માસૂમ માડકીયા બાઈક લઈને આવ્યો હતો અને તેણે પ્રશાંત ડાંગર ઉર્ફે ટકા તથા સલીમ સુમરાને તારૂ કામ છે તેમ કહીને લઈ ગયા પછી સલીમે તારા મિત્ર વિવેકને બોલાવ તેમ કહી હુમલો કર્યાે હતો અને માથામાં ઢીકા માર્યા હતા. તેની સાથે પ્રશાંત પણ તૂટી પડયો હતો. પ્રશાંત, સલીમે રૂ.૭ હજાર બળજબરીથી અજય પાસેથી કઢાવી લીધા હતા. સિટી એ ડિવિઝનમાં સલીમ, પ્રશાંત અને માસૂમ સામે ગુન્હો નોંધાયો છે. અગાઉ અજયના મિત્ર વિવકને સલીમના મિત્ર મનસુખ સાથે ઝઘડો થયો હતો. તે પછી અજય અને વિવેક સાથે ફરતા હોવાથી મામલો બીચક્યો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
