Author: નોબત સમાચાર
સોલીડવેસ્ટ શાખામાં ચાલતી ગેરરીતિની તપાસ કરી પગલા ભરો
જામનગર મહાનગરપાલિકાની
જામનગર તા. ૩૧: જામનગર મહાનગરપાલિકાની સોલીડ વેસ્ટ શાખામાં ચાલતી ગેરરીતિ અંગે મહાનગરપાલિકાના આસિ. કમિશ્નર અને સોલીડ વેસ્ટ શાખાના કંટ્રોલીંગ અધિકારી સમક્ષ ફરિયાદ કરાઈ છે.
શહેરના હનુમાન ટેકરી વિસ્તારમાં રહેતા મૂળજીભાઈ દાનાભાઈ મોભેરાએ આ રજૂઆતમાં જણાવ્યું છે કે, કોઈક વોર્ડમાં કોન્ટ્રાક્ટ બેઈઝ - આઉટ સોર્સીંગ એજન્સીના કે કાયમી કર્મચારી મોટરકારમાં ફરે છે. તેની આવકનો સ્તોત્ર શું છે...?
સફાઈ કામદારની હાજરી પુરવામાં પણ ગોબાચારી થાય છે અને પૈસા લઈને હાજરી પુરવાનું કૌભાંડ ચાલે છે. થોડા સમય પહેલા પણ એક એસએસઆઈ લાંચ પ્રકરણમાં ઝડપાયા હતાં. વોર્ડ નં. ૬ માં એસએસઆઈ સંબંધે સીસીટીવી ફૂટેજ માંગવામાં આવ્યા હતાં. પરંતુ હજુ પણ આપવામાં આવ્યા નથી.
દરેક વોર્ડ ઓફિસમાં સીસીટીવી કેમેરા લગાવાયા છે. તેમાંથી કેટલા બંધ છે ? તેની તપાસ કરવી જોઈએ, હાજરી પુરવા માટેના અંગુઠાના ઈમ્પ્રેશનવાળા મશીન વસાવવામાં આવ્યા હતાં. તેની હાલત શું છે...?
એસઆઈ, એસએસઆઈ, ઝોનલ ઓફિસરને વોર્ડમાં ફરજીયાત રાઉન્ડ ડ્યુટી સંબંધે સૂચના આપવી જોઈએ, કારણ કે પગાર ઉપરાંતના ભથ્થા પણ ચૂકવવામાં આવે છે.
આમ લોકોએ ભરપાઈ કરેલી વેરાની રકમમાંથી પૈસાનો દૂરવ્યય થાય છે. આથી કડક પગલા લઈ કામગીરી વ્યવસ્થિત થાય તેની તકેદારી રાખવી જોઈએ.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
