Author: નોબત સમાચાર
રાજકોટની આર્ટ ગેલેરીમાં રેલાશે 'રંગ'
રાજકોટ તા. ૧૯: રાજકોટ વિઝ્યુઅલ આર્ટીસ્ટ સોસાયટી દ્વારા રાજકોટની શ્રી શ્યામાપ્રસાદ મુખર્જી આર્ટ ગેલેરીમાં સાંપ્રત કલાકૃતિઓનું સુંદર કલાપ્રદર્શન રંગ-ર૦રપ તા. ર૦ અને ર૧ નવેમ્બર શનિવાર અને રવિવાર દરમિયાન યોજાશે. પ્રદર્શનનો સમય સવારે ૧૦ થી રાત્રે ૯ વાગ્યા સુધીનો રહેશે.
આ પ્રસંગે શહેરના નામાંકિત કલાપ્રેમીઓ અને પ્રબુદ્ધ જનો મુખ્ય મહેમાનમાં હાજરી આપી કલાકારોને બિરદાવશે.
આ કલા પ્રદર્શનમાં નામાંકિત આર્ટીસ્ટોએ તૈયાર કરેલ ઓઈલ કલર, વોટર કલર, એક્રેલિક કલર, પેન્સિનલ, ઈન્ક અને ડિજિટલ માધ્યમો દ્વારા તૈયાર કરેલ છે. તમામ આર્ટીસ્ટો આર્ટનો બહોળો અનુભવ ધરાવે છે, અને નેશનલ તેમજ ઈન્ટરનેશનલ લેવલે સન્માનિત છે અને પોતાની કલા પ્રદર્શિત કરી ચૂકેલા છે.
રાજકોટ વિઝ્યુઅલ આર્ટ સોસાયટી રાજકોટ શહેરના અને સમગ્ર ગુજરાતના કલાકારોને મંચ આપવા અને આર્ટીસ્ટો માટે કામ કરતી સંસ્થા છે, જે દસ વર્ષથી લાઈવ પોટ્રેઈટ અને લાઈવ લેન્ડરકેપ જેવી પ્રવૃત્તિ રાજકોટ શહેરના કલાકારો માટે કરે છે. રાજકોટના નવોદિત કલાકારો પણ સાથે જોડાય અને રાજકોટનું નામ કલાક્ષેત્રે પણ ગૂંજતું રહે એવો અનુરોધ સંસ્થાના પ્રેસિડેન્ટ સંજય કોરિયા અને વાઈસ પ્રેસિડેન્ટ તુષાર પટેલ અને સમગ્ર ટીમ દ્વારા કરવામાં આવે છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
