Author: નોબત સમાચાર
ખંભાળિયામાં ગેરકાયદે ફટાકડાના સંગ્રહ અંગે દરોડોઃ ૩.૧૮ લાખનો જથ્થો કબજે
દ્વારકા જિલ્લા એસઓજી ટીમની કાર્યવાહીઃ
જામનગર તા. ૧૮: ખંભાળિયામાં એક શખ્સે કોઈપણ જરૂરી સાધન સુવિધા અને પરવાના વગર પોતાના મકાનમાં ફટાકડાનો જથ્થો સંગ્રહ કર્યાે હોવાની બાતમીના આધારે એસઓજી ટીમે દરોડો પાડ્યો હતો અને રૂ.૩,૧૮,૫૦૦ની કિંમતનો ફટાકડાનો જથ્થો કબજે કરી સંગ્રહખોર સામે ગુન્હો નોંધ્યો હતો.
દેવભૂમિ દ્વારકા પોલીસની એસઓજી ટીમને બાતમી મળી હતી કે, ખંભાળિયાના ધરમપુર શ્રીજી સોસાયટીમાં રહેતા મોનીક ઉર્ફે ગોપાલ હીરેનભાઈ સવજાણી દ્વારા હર્ષદપુર શ્યામ પાર્કમાં રહેતા અને શૈલેષભાઈ બારાઈના રહેણાંક મકાનમાં કબજો ધરાવતાએ પોતાના મકાનમાં ગેરકાયદે રીતે સ્ફોટક ફટાકડાનો જથ્થો સંગ્રહ કર્યાે છે. તેમજ ફાયર સેફ્ટીના સાધનો, પાણી, સેન્ડ બકેટ વગેરેની કોઈ સુવિધા રાખવામાં આવી નથી. આ બાતમીના આધારે એસઓજી ટીમે દરોડો પાડી મકાનમાંથી રૂ.૩,૧૮,૫૦૦ની કિંમતનો ફટાકડાનો જથ્થો કબજે કરી આરોપી મોનીક ઉર્ફે ગોપાલભાઈ સવજાણી સામે ગુન્હો નોંધ્યો છે તેની તપાસ એએસઆઈ હરદેવસિંહ ગુમાનસિંહ જાડેજા ચલાવી રહ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
