Author: નોબત સમાચાર
દ્વારકા જિલ્લાના આસામીને રોકાણની લાલચ બતાવી છેતરપિંડી કરનાર શખ્સ ઝડપાયો
શેરબજારમાં ૧૦૦ ટકાના નફાની મધલાળ બતાવી'તીઃ
ખંભાળિયા તા. ૧૨ઃ દ્વારકા જિલ્લાના એક આસામી સાથે ટેલિગ્રામ પ્લેટફોર્મ પર મેસેજ મોકલ્વાય પછી શેરબજારમાં ૧૦૦ ટકા નફાની લાલચ બતાવી એક શખ્સે રૂ.ા.૧,૪૨,૩૦૮ની છેતરપિંડી કરી હતી. તેની તપાસમાં દ્વારકા સાયબર ક્રાઈમ પોલીસે રાજસ્થાનના એક શખ્સને દબોચી લીધો છે. તેનો મોબાઈલ કબજે કરી પોલીસે પૂછપરછ હાથ ધરી છે.
દેવભૂમિ દ્વારકાના સાયબર ક્રાઈમ પોલીસ સ્ટેશનમાં થોડા સમય પહેલાં એક આસામીએ પોતાની સાથે શેરબજારમાં રોકાણ કરવાના નામે રૂ.ા.૧,૪૨,૩૦૮ની છેતરપિંડી કરાઈ હોવાની ફરિયાદ નોંધાવી હતી. આ આસામીને ટેલિગ્રામ નામની સોશિયલ મીડિયાની સાઈટ પર ૧૦૦ ટકા નફાની લાલચ બતાવી એક શખ્સે રોકાણ કરાવ્યા પછી છેતર્યા હતા.
આ શખ્સે ટેલિગ્રામ પ્લેટફોર્મ પર મોહિત અગ્રવાલ-સેબી, વીઆઈપી પેઈડ પ્રિમિયમ ગ્રુપ અને દેવ ઈન્વિઝીબલ નામના ત્રણ ગ્રુપની ચેનલ બનાવી શેર ટ્રેડીંગ કરવા ઉત્સાહિત કર્યા હતા અને ખોટા શેર ટ્રેડીંગના બીલ મોકલી ગુન્હાને અંજામ આપ્યો હતો.
આ ગુન્હાની તપાસ માટે ડીવાયએસપી વી.પી. માનસેતાની સૂચનાના આધારે પીઆઈ વી.કે. કોઠીયા તથા સાયબર ક્રાઈમ પોલીસના સ્ટાફે તપાસ આરંભી હતી. જેમાં રાજસ્થાનના સવાઈ માધોપુર જિલ્લાના શ્યામપુરા ગામના તેજરામ ભરતલાલ મીણા નામના શખ્સની સંડોવણી ખૂલી હતી. આ શખ્સને દબોચી લેવામાં આવ્યો છે. ડીજેનો વ્યવસાય કરતા આ શખ્સની પૂછપરછ હાથ ધરાઈ છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
