Author: નોબત સમાચાર
જામ્યુકોના અવેજી કામદારોનો પગાર અટકતા અ.ભા. સફાઈ મજદૂર કોંગ્રેસ લાલધૂમઃ રજૂઆત
ત્રણ દિવસમાં પ્રશ્ન નહીં ઉકેલાય તો ફોજદારી
જામનગર મહાનગરપાલિકાના સફાઈ કામદારોને આજ દિવસ સુધી પગાર નહીં મળતા આજે અખિલ ભારતીય સફાઈ મજદૂર કોંગ્રેસ દ્વારા નાયબ કમિશ્નરને પત્ર પાઠવી રજૂઆત કરવામાં આવી હતી. સંસ્થાના પ્રમુખ હરીશ ચૌહાણની આગેવાનીમાં આજે ડીએમસીને આવેદનપત્ર પાઠવી રૂબરૂ રજૂઆત કરવામાં આવી છે.
જેમાં માંગણી કરવામાં આવી હતી કે, સરકારનો ર૦ર૩ ના નોટીફિકેશન મુજબ મહાનગરપાલિકાના કોન્ટ્રાક્ટ બેઈઝડ કેઝયુઅલ કર્મચારીને માંદગી, માતૃત્વ અને રોજગાર સમયે ઈજા તથા કર્મચારીને અને તેના આશ્રીતને મેડિકલ સહિતના લાભો આપવાની જોગવાઈ છે. જનરલ બોર્ડમાં ઠરાવ પછી હુકમ પણ થયો છે. આ કામની અમલવારી અંગે એકાઉન્ટ શાખા દ્વારા જે-તે કોન્ટ્રાક્ટ બેઈઝડ અને કેઝયુઅલ કર્મચારીના વ્યક્તિગત રજીસ્ટ્રેશન માટે જરૂરી દસ્તાવેજી પુરાવા એકાઉન્ટ શાખામાં મોકલી આપવા સૂચના અપાઈ છે. સાથે સોલીડવેસ્ટ શાખાના નાયબ ઈજનેરને પણ નકલ મોકલીને અવેજી કામદારોને ડીકલેરેશન ફોર્મ એસએસઆઈ મારફત પહોંચાડવાની સૂચના અપાઈ હતી.
અનેક વખત એકાઉન્ટ અને સોલીડવેસ્ટ શાખાને યાદી પાઠવવા છતા ગંભીરતાથી નોંધ લેવામાં આવી નથી. જે કામદારોએ પોતાની વિગત એસએસઆઈને આપી હોવા છતાં ઓફિસમાં પહોંચાડવાની કાળજી લીધી નથી. અમુક કાગળો ગુમ થયાની પણ ફરિયાદો મળી છે.
જાન્યુઆરી માસ પૂર્ણ થવા આવ્યો હોવા છતાં ડિસેમ્બરનો પગાર થયો નથી. આમા અવેજી કામદાર ઘરનું ગુજરાન કેવી રીતે ચલાવે..? પગાર નહીં મળતા સફાઈ કામદારોમાં રોષ ફેલાયો છે. ૧૮ વખત યાદી પત્રો આપવા છતાં એકાઉન્ટ શાખાની સૂચનાનો સોલીડવેસ્ટ શાખા અમલ કરતી નથી. આથી તાત્કાલિક પગાર ચૂકવી આપવાનો રહેશે. જો ત્રણ દિવસમાં આ પ્રશ્નનો ઉકેલ નહીં આવે તો ઉચ્ચકક્ષાએ રજૂઆત-ફરિયાદ કરવામાં આવશે. અને જરૂર પડ્યે જવાબદાર અધિકારી સામે ફોજદારી રાહે પગલા લેવા માટેની ફરિયાદ કરાશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
