Author: નોબત સમાચાર
પડતર પ્રશ્નો ઉપરાંત નવા પ્રશ્નો પણ ચર્ચાયાઃ જનપ્રતિનિધિઓને અગ્રતા આપવા કલેકટરતી તાકીદ
જામનગર જિલ્લા સંકલન અને ફરિયાદ સમિતિમાં
જામનગર તા. ૨૧: જિલ્લા કલેકટર કેતન ઠક્કરના અધ્યક્ષસ્થાને જિલ્લા સંકલન અને ફરિયાદ સમિતિની બેઠક યોજાઈ હતી. જન પ્રતિનિધિઓ દ્વારા રજૂ કરાયેલ લોકપ્રશ્નોનો સમય મર્યાદામાં સકારાત્મક ઉકેલ લાવવા કલેકટરે અધિકારીઓને સૂચના આપી હતી. બેઠકમાં વિવિધ વિભાગોના પડતર પ્રશ્નો અને વિકાસલક્ષી કામો અંગે ધારાસભ્યો સાથે વિસ્તૃત ચર્ચા કરવામાં આવી હતી.
જામનગર કલેકટર કચેરીના સભાખંડમાં જિલ્લા કલેકટર કેતન ઠક્કરના અક્ષસ્થાને જિલ્લા સંકલન અને ફરિયાદ સમિતિની બેઠક યોજાઈ હતી. આ બેઠકમાં ધારાસભ્યો રાઘવજીભાઈ પટેલ, મેઘજીભાઈ ચાવડા અને હેમંતભાઈ ખવા દ્વારા રજૂ કરાયેલા લોકપ્રશ્નો અને રજૂઆતોને ગંભીરતાથી ધ્યાને લઈ કલેકટરે સંબંધિત અધિકારીઓને આયોજનબદ્ધ કામગીરી કરવા સૂચના આપી હતી.
આ બેઠકમાં ધારાસભ્યોના અગાઉના પડતર પ્રશ્નો ઉપરાંત વિવિધ વિભાગોને લગતા આંગણવાડીના કામો, સનદના પ્રશ્નો, કોઝવે અને નવા પુલ બનાવવા, ઘરથાળના પ્લોટ ફાળવવા, અન્ડર ગ્રાઉન્ડ બ્રિજ નીચે રસ્તો ખુલ્લો કરવા, પી.એચ.સી. સેન્ટરમાં એમ્બ્યુલન્સ ફાળવણી સહિતના પ્રશ્નો અંગે ચર્ચા થઈ હતી. ખેડૂતો અને ગ્રામ્ય પ્રજાને સ્પર્શતા વીજ પ્રશ્નો જેવા કે ગામતળથી દૂર વીજ લાઈન નાખવી, ટી.સી. બદલવા, નવા સબ સ્ટેશનો બનાવવા, પવનચક્કી તથા વીજ લાઈનના પ્રશ્નો, વીજ પાવર નિયમિત કરવો ઔદ્યોગિક ઝોન તથા જે.જી.વાય. ફીડર અલગ કરવા બાબતે વિસ્તૃત સમીક્ષા કરાઈ હતી. તદુપરાંત જમીન સંપાદનનું વળતર, ગૌચર અને સરકારી ખરાબામાંથી દબાણો દૂર કરવા, ફોરેસ્ટ જમીન માપણી, પ્રોપર્ટી કાર્ડ અને પ્રમોલગેશન બાદની ક્ષતિઓ સુધારવા જેવી મહેસુલી બાબતો પર પણ ભાર મૂકવામાં આવ્યો હતો. પીવાના પાણીની નવી પાઈપલાઈન નાખવી, ચેકડેમ અને કેનાલના ગેઈટનું રિપેરીંગ અને જાડા હેઠળના નવા ગામોમાં વિકાસ કામો તથા ટી.પી. સ્કીમના પ્લોટની હરાજી જેવા મુદ્દાઓ અંંગે ચર્ચા કરાઈ હતી.
કલેકટરે તંત્રોના અધિકારીઓને તાકીદ કરતા જણાવ્યું હતું કે જનપ્રતિનિધિઓ તરફથી આવેલી રજૂઆતોને અગ્રતા આપી તેનો હકારાત્મક ઉકેલ લાવવો અત્યંત જરૂરી છે.તેમણે તમામ કામો ઝડપથી અને સમયમર્યાદામાં પૂર્ણ કરવા ભાર મૂક્યો હતો. આ બેઠકમાં જિલ્લા વિકાસ અધિકારી અંકિત પન્નુ, પોલીસ અધિક્ષક ડો. રવિકુમાર સૈની સહિત વિવિધ વિભાગોના ઉચ્ચ અધિકારીઓ ઉપસ્થિત રહ્યા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
