Author: નોબત સમાચાર
એમ.પી. શાહ આવાસમાં ખુલ્લા પ્લોટમાં બાઈક ચાલુ કરવાના મુદ્દે હિચકારો હુમલો
અવાજ ન કરવાનું કહી એક શખ્સે હથોડા ઝીંક્યોઃ
જામનગર તા. ૨૧: જામનગરના એમ.પી. શાહ આવાસ પાછળ ખુલ્લા પ્લોટમાં ગઈકાલે યોજાયેલા એક જમણવારના પ્રસંગમાંથી બહાર નીકળી બાઈક ચાલુ કરતા એક યુવાનને ત્યાં અવાજ ન કરવાનું કહી એક શખ્સે ઝઘડો કર્યા પછી બાઈક ચાલુ કરનાર યુવકના મિત્ર પર હથોડાથી હુમલો કરી માથામાં ફ્રેકચર કરી નાખ્યું હતું. ગંભીર હાલતમાં આ યુવાનને હોસ્પિટલમાં ખસેડાયો છે.
જામનગરના ખોડિયાર કોલોની વિસ્તારમાં આવેલા પેટ્રોલપંપ સામેની શેરીમાં રહેતા અને ચોકીદાર તરીકે કામ કરતા રમેશ લોકેશભાઈ કડાયત નામના નેપાળી યુવાન ગઈકાલે બપોરે સરૂ સેક્શન રોડ પર આવેલા એમ.પી. શાહ આવાસ પાછળ ખુલ્લા પ્લોટમાં પોતાના મિત્ર રવિન્દ્ર વિશ્વકર્મા, પુરણ વિશ્વકર્મા સાથે આવ્યા હતા. તેઓના સંબંધી લલીત વિશ્વકર્માના પુત્રના નામની વિધિમાં રાખવામાં આવેલા જમણવારમાંથી બહાર નીકળતા હતા ત્યારે રવિન્દ્રએ પોતાનું મોટરસાયકલ ચાલુ કર્યું હતું.
આ વેળાએ અવાજ થતાં એક અજાણ્યો શખ્સ ત્યાં આવ્યો હતો. તેણે અવાજ ન કરવાનું કહેતા અને પુરણ વિશ્વકર્માએ તેનો પ્રતિકાર કરતા ગાળો ભાંડી આ શખ્સે ઝપાઝપી શરૂ કરી હતી. ત્યારપછી પોતાના ઘરમાં દોડી જઈ આ શખ્સે અંદરથી હથોડા જેવું હથિયાર સાથે લાવી રમેશ કડાયતના માથામાં ઝીંકી દીધુ હતું. માથામાં ફ્રેક્ચર સહિતની ગંભીર ઈજા પામેલા રમેશભાઈને સારવારમાં ખસેડવામાં આવ્યા છે. જ્યાંથી તેઓએ ગઈકાલે રાત્રે સિટી બી ડિવિઝન પોલીસ સ્ટેશનમાં ફરિયાદ નોંધાવી છે. પોલીસે ગુન્હો નોંધી હુમલા ખોરની શોધ શરૂ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
