Author: નોબત સમાચાર
બેડમાં બાઈક અને ઘેટા બકરા ચરાવતા યુવાનો વચ્ચે મારામારીઃ સામસામી ફરિયાદ
એક યુવાનને ફ્રેક્ચર, એકને છરીથી થઈ ઈજાઃ
જામનગર તા. ૯: જામનગર-ખંભાળિયા રોડ પર બેડ ગામમાં ગુરૂવારે સાંજે બાઈક પર જતા બે યુવાન અને સામેથી ઘેટા બકરાનું વાઘ લઈને આવતા બે યુવાન વચ્ચે વાહન સાઈડમાં ચલાવવાના પ્રશ્ને બોલાચાલી થયા પછી હુમલો કરાયાની સામસામી ફરિયાદ પોલીસમાં કરવામાં આવી છે.
જામનગર-ખંભાળિયા ધોરીમાર્ગ પર બેહ ગામમાં પાણીના ટાંકા પાસે વસવાટ કરતા રામજીભાઈ હરજીભાઈ સોનગરા નામના યુવાન તથા રવિભાઈ છગનભાઈ સોનગરા ગુરૂવારે સાંજે બાઈક પર ખેતર તરફ પાણી વાળવા માટે જતા હતા ત્યારે સામેથી ઘેટા બકરાનંુ વાઘ આવી જતાં બેડ ગામના જ અને વાઘ લઈને આવેલા હરધર સામતભાઈ રબારી તથા રાજા સામતભાઈ રબારીએ તારૂ બાઈક સાઈડમાં રાખ અને અમે આવતા હોઈએ ત્યારે બાઈક લઈને આવવું નહીં તેમ કહી ગાળો ભાંડયા પછી લાકડીથી હુમલો કર્યાે હતો. જેમાં રામજીભાઈને ફ્રેક્ચર સહિતની ઈજા થઈ છે. તેઓએ સિક્કા પોલીસ સ્ટેશનમાં ફરિયાદ નોંધાવી છે.
આ ફરિયાદની સામે હરધ્રોળ સામતભાઈ મોરીએ વળતી ફરિયાદ નોંધાવી તેમાં જણાવ્યું છે કે, તેઓ તથા રાજા સામતભાઈ ગુરૂવારની સાંજે ઘેટા બકરા ચરાવીને આવતા હતા ત્યારે બાઈક પર નીકળેલા રામજીભાઈ હરજીભાઈ સોનગરાને તેઓએ સાઈડમાં બાઈક ચલાવવાનું કહેતા રામજીભાઈ તથા સાથે રહેલા રવિ છગનભાઈ સોનગરાએ ગાળો ભાંડી ઘેટા બકરા ઘરે રાખવાનું કહી ઝઘડો કર્યા પછી રામજીએ છરીથી અને રવિ છગનભાઈએ લાકડીથી હુમલો કરી માર માર્યાે હતો. પોલીસે બંને ફરિયાદ રજીસ્ટરે લીધી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
