Author: નોબત સમાચાર
આઠ વ્યક્તિના ટોકન સાથે દરિયામાં ગયેલી બોટમાંથી સાત વ્યક્તિ મળી આવ્યાઃ તપાસ શરૂ
બોટના રજીસ્ટ્રેશન નંબર ઉપર ન હોવાથી કાર્યવાહીઃ
જામનગર તા. ૨૦: જામનગરના બેડીના જૂના બંદર પર એક બોટના રજીસ્ટ્રેશન નંબર તથા નામ ઉપરના ભાગે દેખાતા ન હોવાથી માછીમાર સામે ગુન્હો નોંધાયો છે. જ્યારે ઓખાના દરિયામાં આઠ વ્યક્તિના ટોકન સાથે માછીમારી માટે ગયેલી એક બોટની પરત આવ્યા પછી ચકાસણી કરાતા તેમાંથી સાત જ શખ્સ મળી આવતા બોટના ટંડેલ સામે ગુન્હો નોંધવામાં આવ્યો છે.
જામનગરના બેડીમાં આવેલા જૂના બંદર પર ગઈકાલે બેડી મરીન પોલીસ સ્ટેશનના પીએસઆઈ વી.એસ. પોપટ તથા સ્ટાફ દ્વારા કરવામાં આવી રહેલા પેટ્રોલિંગમાં જેટી પર આઈએનડી જીજે-૩૭-એમએમ ૧૩૪૯ નંબરની બોટ જોવા મળી હતી.
આ બોટમાં તેના રજીસ્ટ્રેશન નંબર અને બોટનું નામ ઉપરના ભાગે દેખાતું ન હોવાથી ખંભાળિયા તાલુકાના સલાયા ગામના હુસેન ઈસ્માઈલ સુંભણીયા નામના શખ્સ સામે ગુન્હો નોંધવામાં આવ્યો છે.
ઓખાના આર.કે. બંદર પર આવેલી પ્રેમજીભાઈની જેટી પર ગઈકાલે સાંજે આવેલી એક બોટની દેવભૂમિ દ્વારકા એસઓજીના સ્ટાફે ચકાસણી કરતા આ બોટમાં આઠ વ્યક્તિને દરિયામાં જવાની ફીશરીઝ વિભાગની મળેલી મંજૂરી (ટોકન) મળી આવી હતી પરંતુ બોટમાં જે તે વખતે સાત વ્યક્તિ જ ગયા પછી ગઈકાલે પરત ફર્યા હોવાનું જણાઈ આવ્યું હતું તેથી મૂળ મહારાષ્ટ્રના જાયબોરડી ગામના વતની અને હાલમાં ઓખાના ડાલ્ડા બંદર પર રહેતા સુરેશ ભગવાન મજવેલકર સામે ગુન્હો નોંધાયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
