Author: નોબત સમાચાર
જામનગરના મહિલા કોર્પોરેટર ડિમ્પલબેન રાવલને સાંસદ પૂનમબેન માડમના હસ્તે એવોર્ડ
ચકલી બચાવો અભિયાન-એક રાખી ફોજી કે નામ અભિયાનની નોંધ લેવાઈ
જામનગર તા. ૩૧: સમભાવ ગ્રુપની ગુજરાતની પ્રતિષ્ઠિત ન્યુઝ ચેનલ વીટીવી અને ટોપ એફએમ દ્વારા સામાજિક સેવા ક્ષેત્રમાં ઉત્તમ કામગીરી કરનાર જામનગરની વ્યક્તિઓને સન્માનિત કરવાનો કાર્યક્રમ લાખાબાવળ યોજવામાં આવ્યો હતો, જેમાં ઉદ્યોગ ક્ષેત્રે, વેપાર ક્ષેત્રે અને સેવાકીય ક્ષેત્રે શ્રેષ્ઠતમ કામગીરી કરનાર વ્યક્તિઓને સાંસદ પૂનમબેન માડમ અને ધારાસભ્ય રીવાબા જાડેજાના હસ્તે સન્માનિત કરવામાં આવ્યા હતા.
ટોપ આઇકોન ઓફ જામનગર એવોર્ડમાં સામાજિક ક્ષેત્રે કામગીરી એવોર્ડમાં ભારતીય જનતા પાર્ટીના સિનિયર મહિલા કોર્પોરેટર ડિમ્પલબેન રાવલને તેમના જીવદયા ના કાર્યો 'ચકલી બચાવો અભિયાન' જેમાં વિનામૂલ્ય ચકલીઓના માળાનું વિતરણ અને પક્ષીઓને પીવાના પાણીના બાઉલનું વિતરણ કરવામાં આવે છે તેમજ દેશ સેવાના કાર્ય જેમાં 'એક રાખી ફોજી કે નામ અભિયાન' હેઠળ જામનગરની બહેનો દ્વારા સરહદ પરના જવાનોને રાખડી મોકલવાના બંને કાર્યોને ધ્યાને લઈ સતત ૧૦ વર્ષથી થતાં આ કાર્યો માટે સાંસદ પૂનમબેન માડમના હસ્તે 'ટોપ આઇકોન ઓફ જામનગર એવોર્ડ' થી ડિમ્પલબેન રાવલને સન્માનિત કરવામાં આવ્યા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
