Author: નોબત સમાચાર
ફ્લેટમાંથી ઈંગ્લીશ દારૂની ૪૮ બોટલ ઝડપી લેવાઈઃ આરોપીએ સપ્લાયરનું નામ આપ્યું
બાઈક પર લઈ જવાતા ચપલા-બીયરના ટીન કબજેઃ
જામનગર તા. ૯: જામનગરની પુષ્કરધામ સોસાયટીમાં એક એપાર્ટમેન્ટમાંથી પોલીસે વેચાણ માટે રાખવામાં આવેલી ઈંગ્લીશ દારૂની ૪૮ બોટલ કબજે કરી છે. ઝડપાયેલા આરોપીએ સપ્લાયરનું નામ આપ્યું છે. બાઈક પર બીયરના બે ટીન લઈને જતા બે શખ્સ પકડાયા છે. એક શખ્સ બે ચપલા સાથે મળી આવ્યો છે.
જામનગરના રણજીત સાગર રોડ પર આવેલી પુષ્કરધામ સોસાયટીમાં એક એપાર્ટમેન્ટમાં ઈંગ્લીશ દારૂનો જથ્થો પડ્યો હોવાની બાતમી પરથી ગઈકાલે સિટી એ ડિવિઝન પોલીસ સ્ટેશનના સ્ટાફે પીઆઈ એન.એ. ચાવડાની સૂચનાથી દરોડો પાડ્યો હતો.
ત્યાં આવેલા શિવાલય એપાર્ટમેન્ટના ચોથા માળે ફલેટ નં.૪૦૪માં પોલીસે દરોડો પાડી ચકાસણી કરતા પારસગર રમેશગર ગોસ્વામી નામના શખ્સના આ ફલેટમાંથી ઈંગ્લીશ દારૂની ૪૮ બોટલ મળી આવી હતી. પોલીસે બોટલ કબજે કરી પારસગરની ધરપકડ કરી છે. તેણે આ જથ્થો ગૌતમ મનોજગીરી ગોસ્વામી પાસેથી લીધો હોવાની કબૂલાત કરી છે.
જામનગરના રણજીતસાગર રોડ પર નવા એંસી ફૂટ રોડ પર આવેલા કુબેર પાર્ક નજીકથી ગઈકાલે સાંજે પસાર થતા જીજે-૧૦-ડીએલ ૫૫૪૭ નંબરના બાઈકને પોલીસે રોકાવી તેના ચાલક ઓરેન્જ એપાર્ટમેન્ટમાં રહેતા ગોવિંદ મનસુખભાઈ ઓઢાવીયા, નરેન્દ્ર અશ્વિનભાઈ ઠાકોરની તલાશી લેતા તેની પાસેથી બીયરના બે ટીન મળી આવ્યા હતા. પોલીસે ટીન તથા બાઈક કબજે કરી બંને શખ્સની ધરપકડ કરી છે.
જામનગરના દરબારગઢ સર્કલ પાસે એક મેડિકલ નજીકથી ગઈરાત્રે પસાર થતા જીજે-૧૦-ઈએ ૨૧૮૬ નંબરના એક્ટિવા સ્કૂટરને જઈ રહેલા કડિયાવાડમાં રહેતા રવિ ઉર્ફે પિન્ટુ પ્રવીણભાઈ ભટ્ટી નામના શખ્સના કબજામાંથી ઈંગ્લીશ દારૂના બે ચપટા મળી આવ્યા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
