Author: નોબત સમાચાર
ભાટીયાના પ્રૌઢને નંદાણા પાસે સ્વીફ્ટ મોટરે ઠોકર મારતા થઈ ગંભીર ઈજા
હાથ તથા પગમાં થઈ ગયા ફ્રેક્ચરઃ
જામનગર તા. ૧૩: કલ્યાણપુરના ભાટીયામાં રહેતા એક પ્રૌઢ મંગળવારે સાંજે નંદાણા ગામ પાસેથી જતા હતા ત્યારે તેઓને એક મોટરે હડફેટે લઈ ગંભીર ઈજા પહોંચાડી છે. પ્રૌઢને સારવારમાં ખસેડવામાં આવ્યા છે. તેમના પુત્રએ પોલીસમાં ફરિયાદ નોંધાવી છે.
દેવભૂમિ દ્વારકા જિલ્લાના કલ્યાણપુર તાલુકાના ભાટીયા ગામમાં રહેતા મૂળુભાઈ લાખાભાઈ ગોરીયા નામના પ્રૌઢ મંગળવારે સાંજે સાતેક વાગ્યે દ્વારકાથી ખંભાળિયા વચ્ચેના ધોરીમાર્ગ પર આવેલા નંદાણા ગામ પાસેથી પસાર થતા હતા.
તેઓ જ્યારે પેટ્રોલપંપ પાસે પહોંચ્યા ત્યારે જીજે-૧૩-એનએન ૬૩૯૮ નંબરની સ્વીફટ મોટર પુરપાટ ઝડપે ધસી આવી હતી. આ મોટરના ચાલકે મૂળુભાઈને હડફેટે લેતા માથા સહિતના શરીરના અન્ય ભાગોમાં ગંભીર ઈજા તેમજ પગ અને હાથમાં ફ્રેક્ચર સહિતની ઈજા પામેલા મૂળુભાઈને સારવારમાં ખસેડવામાં આવ્યા છે. અકસ્માત સર્જનાર મોટરચાલક સામે જીગરભાઈ મૂળુભાઈ ગોરીયાએ પોલીસમાં ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
