Author: નોબત સમાચાર
પટેલ કોલોનીમાં મહિલાનું મકાન ખાલી કરાવવા દાદાગીરી કરતા બે જેલહવાલે
એક ઓડિયો ક્લિપની પોલીસ દ્વારા ખરાઈની તજવીજઃ
જામનગર તા. ૧: જામનગરના પટેલ કોલોની વિસ્તારમાં એક મકાન બળજબરીથી ખાલી કરાવવા અને તે મકાનમાં રહેતા મહિલાને ગાળો ભાંડી ડરાવવા અંગે પોલીસે ગુન્હો નોંધ્યા પછી કુખ્યાત શખ્સ સહિત બે આરોપીની ધરપકડ કરી હતી. આ શખ્સોએ એક વકીલ સાથે ફોન પર વાતચીત કર્યાની લાગતી ઓડિયો ક્લિપ પોલીસને તપાસમાં મળી આવી છે. તેની ખરાઈ માટે તજવીજ કરાઈ રહી છે.
જામનગરના પટેલ કોલોની વિસ્તારમાં આવેલા એક મહિલાના મકાનને બળજબરીપૂર્વક ખાલી કરાવવા માટે થોડા દિવસ પહેલાં કુખ્યાત શખ્સ દિવ્યરાજ મંગળસિંહ ચૌહાણ ઉર્ફે દીવલા ડોન તથા બલભદ્રસિંહ પાથુભા જાડેજા ઉર્ફે ડુંગા નામના શખ્સે તોડફોડ કર્યાની, ઘરમાં ઘૂસી પતાવી દેવાની ધમકી આપ્યાની અને ગાળો ભાંડ્યાની ફરિયાદ ગઈ તા.૧૧ના દિને પોલીસમાં કરવામાં આવી હતી.
આ ગુન્હામાં ઉપરોક્ત શખ્સોએ નિર્મળસિંહ નટવરસિંહ જાડેજા ઉર્ફે એન.એન. નામના વકીલ સાથે ફોનમાં વાત કર્યાની વિગતો પણ પોલીસે શોધી કાઢ્યા પછી આ કથિત ઓડિયો ક્લિપને ખરાઈ માટે પૃથ્થકરણ કરાવવા મોકલી આપી છે.
આ મહિલાને ધમકી આપી મકાન ખાલી કરવાનું કહી દીવલા ડોન તથા ડુંગાએ આચરેલી દાદાગીરીના પગલે પોલીસે બંને શખ્સની ધરપકડ કરી જેલહવાલે કર્યા છે. તે દરમિયાન દીવલા ડોને એક વ્યક્તિનો મોબાઈલ ફોન ઝૂંટવી તેમાંથી સ્પીકર ફોન પર કેટલીક વાતચીત કર્યાનું પણ જાણવા મળી રહ્યું છે ત્યારે ઓડિયો ક્લિપની ચકાસણી કરાવાઈ રહી છે.
વકીલ મંડળના પ્રમુખનો સંપર્ક ન થયોઃ
વકીલ સામે પોલીસ દ્વારા કરાયેલી કાર્યવાહી સામે રોષ
જામનગરના એક વકીલ સામે પોલીસ દ્વારા કરવામાં આવેલી કાર્યવાહી અંગે વકીલ મિત્રોમાં રોષ પ્રસર્યાે છે. આ મુદ્દે હાઈકોર્ટમાં રીટ પીટીશન કરવા સહિતની વાતચીત કરાઈ રહી છે. તે દરમિયાન જામનગર વકીલ મંડળના પ્રમુખનો ટેલિફોનિક સંપર્ક માટે પ્રયાસ કરવામાં આવ્યો હતો પરંતુ તેઓનો સંપર્ક થઈ શક્યો નથી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
