Author: નોબત સમાચાર
રવિન્દ્ર જાડેજાના પ્રદર્શન અંગે નગરના જામસાહેબ શત્રુશલ્યસિંહજીનો પ્રતિભાવ
ઈંગ્લેન્ડમાં ટેસ્ટમેચોમાં
જામનગર તા. ૨૯: ઈંગ્લેન્ડમાં ભારત અને ઈંગ્લેન્ડ વચ્ચે રમાઈ રહેલ પાંચ ટેસ્ટમેચની શ્રેણીમાં ત્રીજા અને ચોથા ટેસ્ટમેચમાં જામનગરના ગૌરવ સમાન ક્રિકેટર રવિન્દ્ર જાડેજાના પ્રદર્શન અંગે જામસાહેબ શત્રુશલ્યસિંહજી જાડેજાએ પ્રતિભાવ આપતા જણાવ્યું છે કે વાઈરલ થયેલા એક વીડિયો મુજબ, મને સમજાયું છે કે ભારતીય ક્રિકેટ ટેસ્ટ ટીમના મેનેજરે રવિન્દ્ર જાડેજાને ત્રીજી ટેસ્ટ હાર માટે ખૂબ ધીમી રમતનો દોષ આપ્યો છે. એક તબક્કે મને પણ એવું લાગ્યું કે જાડેજા વધુ મુક્તપણે રન બનાવી શક્યો હોત, પરંતુ કાળજીપૂર્વક ફરીથી વિચાર કર્યા પછી મને સમજાયું કે ભારત ખૂબજ કમનસીબ ગંભીર પરિસ્થિતિનો સામનો કરી રહ્યું છે. જેમાં સહેજ પણ શંકા વિના, બેટ્સમેન માટે પ્રથમ વિકલ્પ ટકી રહેવાનો હતો અને રન બનાવવા એ ચોક્કસપણે ગૌણ વિકલ્પ હતો. જો જાડેજાએ ક્રોસ બેટેડ શોટ અને છક્કા દ્વારા ઝડપી સ્કોર કરવાની કોશિશ કરી હોત તો તે 'ટીમ'ના હિતમાં ખૂબજ બેજવાબદાર હોત. તેથી મારા મનમાં કોઈ શંકા નથી. અને મને ખાતરી છે કે કોઈપણ સિદ્ધહસ્ત ક્રિકેટરના મનમાં જાડેજાએ તેની સામાન્ય રમતને ધીમી કરી અને જોખમી શોટ રમવાનું ટાળ્યું તે તેના તરફથી ખૂબજ જવાબદાર હતું જેના માટે તે અભિનંદનને પાત્ર છે અને આપણે તેની ટીમ ભાવનાની પ્રશંસા કરવી જોઈએ.
હું એ પણ નિર્દેશ કરવા માંગુ છું કે વિપક્ષી ઈંગ્લેન્ડ ટેસ્ટ ટીમના કેપ્ટને અસાધારણ રમતગમતનું પ્રદર્શન કર્યું હતું અને જાડેજાના મહાન પ્રયાસોને સ્વીકાર્યા હતા, જે કાર્ય મારા જાણીતા રમતગમતના સૌથી મહાન કાર્યોમાંનો એક હતો : ખાસ કરીને ક્રિકેટમાં જે જેન્ટલમેન સ્પોર્ટ માનવામાં આવે છે.
મને ખબર નથી કે પ્રખ્યાત લોર્ડસ ટેસ્ટમેચમાં તેમણે જે અસાધારણ પ્રયાસો દર્શાવ્યા હતા તેમાં મહાન વિનુ માંકડનું પણ આટલી અદ્ભુત રીતે સન્માન કરવામાં આવ્યું નહતું...?
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
