Author: નોબત સમાચાર
ખંભાળીયાના હાર્ડસમો ચાર રસ્તાથી નગરગેઈટના રસ્તાનું રૂપિયા એંસી લાખના ખર્ચે થશે પુનઃનિર્માણ
ભર ચોમાસે શરૂ થયેલું અને કોઈ કારણે અટકેલુ કામ શરૂ થતા લોકો ખુશ
ખંભાળીયા તા. ૧પઃ ખંભાળીયાના હાર્દસમો મિલન ચાર રસ્તાવાળો માર્ગ રૂપિયા ૮૦ લાખના ખર્ચે નવો બનશે, આ કામ ભર ચોમાસે શરૂ થયું હતું, પરંતુ અન્ય કારણોસર આ કામ અટકાવ્યું હતું, હવે આ કામગીરી પુનઃ શરૂ થતા લોકોમાં આનંદની લાગણી ફેલાવા પામી છે.
ખંભાળીયા શહેરમાં મુખ્ય રસ્તો ગણાતા નગરગેઈટથી મિલન ચારરસ્તાવાળો રોડ વર્ષોથી ખરાબ સ્થિતિમાં હોય, તથા ઠેરઠેર મોટા ખાડા પડી ગયા હોય, પાલિકા દ્વારા રૂ. ૮૦ લાખના ખર્ચે નવો બનાવવાનું મંજૂર કરાયું હતું. જેનું કામ કોન્ટ્રાક્ટર દ્વારા એકાદ માસ પહેલા ચાલુ વરસાદે શરૂ કરાયેલું પણ આ રસ્તા પર નવી પાણીની લાઈન નાખવાની બાકી હોય, આ કામ ઈજનેર શ્રી નંદાણીયા દ્વારા અટકાવાયું હતું. જે કામ પૂર્ણ શરૂ થતા ગઈકાલથી આ કામ શરૂ થતા લોકોમાં આનંદની લાગણી ફેલાઈ છે.
રૂ. ૮૦ લાખના ખર્ચે આ પોણા લાખ જેટલો રસ્તો ખોદીને નવો બનાવવામાં આવશે. પાલિકા દ્વારા શરૂ થયેલા કામના સાઈન બોર્ડ પણ પ્રદર્શિત કરાયા છે, જેથી લોકો જાણકારી મેળવી શકે.
થોડા સમય પહેલા જ રોડ રી-સરફેસીંગના કામમાં પોરગેઈટથી નાગર પાડો તથા જુની મામલતદાર કચેરીનો રોડ થયો હતો, તે પછી માર્ગ ચાલુ થયો હતો. તથા થોડા સમયમાં શહેરની મુખ્ય બજારનો રાજડા રોડનું પણ કામ શરૂ કરવામાં આવશે.
પાલિકા દ્વારા બનાવાતા રસ્તા યોગ્ય નિયમ મુજબની ગુણવત્તાવાળા બને તેવી લોકો અપેક્ષા રાખેલ છે. કેમ કે, અગાઉ બનાવાયેલી સ્ટેશન રોડ પર અનેક સ્થળોએ ખાડા પડી ગયા છે. અગાઉ પોરબંદર રોડ, હોસ્પિટલ રોડ, સર્વોદય મંડળી પાસેનો રોડ, જુની ખડપીઠ પાસે રોડ, ઝવેરી બજારવાળા રોડ જેથી લાંબો સમય ટકે તેવા મજબુત રોડ બનાવવા લોકોમાં માંગ ઉઠી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
