Author: નોબત સમાચાર
ધ્રોલના જાલીયા-માનસર ગામના યુવાનનું બાઈક સ્લીપ થતાં મૃત્યુ
શ્વાનને બચાવવા જતાં નડ્યો અકસ્માતઃ
જામનગર તા.૧૮: ધ્રોલના જાલીયા-માનસર ગામના એક યુવાન ગઈકાલે બપોરે ધ્રોલથી પોતાના ગામ બાઇકમાં જતા હતા ત્યારે એક શ્વાન રોડ પર આડું ઉતરતા બાઈક પરથી ફંગોળાયા પછી ગંભીર ઇજા થતા સારવારમાં ખસેડવામાં આવ્યા હતા જ્યાં તેઓનું મૃત્યુ નિપજ્યું છે.
ધ્રોળ તાલુકાના જાલીયા-માનસર ગામમાં રહેતા દિનેશભાઇ રણછોડભાઇ લીંબડીયા (ઉ.વ.૪૧) નામના યુવાન ગઈકાલે તેમનું જીજે-૧૦-ઇડી-૪૩૪૬ નંબરનું મોટર સાયકલ લઇને ધ્રોલમાં કપાસની દવા લેવા આવ્યા હતા.
દવા લીધા પછી તેઓ જાલીયા-માનસર ગામ પોતાના ઘરે પરત જતા હતા, તે દરમિયાન જાલીયા માનસર ગામની હાઇસ્કુલથી આગળ ગોલાઇ ઉપર અચાનક કુતરૂ આડુ ઉતરતા તેઓએ મોટર સાયકલની બ્રેક મારતા બાઈક સ્લીપ થઇ જતા રોડ પર પડી જતા માથાના ભાગે ગંભીર ઇજા થઈ હતી. સારવારમા ધ્રોલ સરકારી હોસ્પિટલમાં લઈ જવાયેલા આ યુવાનને ફરજ પરના ડોક્ટરએ તપાસ્યા પછી મૃત્યુ પામેલા જાહેર કરતા પોલીસમાં મૃતકના પત્ની આશાબેને જાણ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
