Author: નોબત સમાચાર
ખીજડીયામાં સ્વચ્છતા અને પ્લાસ્ટિક વેસ્ટ મેનેજમેન્ટ વિશે જાગૃતિ હેતુ સ્વચ્છતા સંવાદ
'સ્વચ્છતા હી સેવા' અભિયાન હેઠળ આયોજનઃ
જામનગર તા. ૪: રાષ્ટ્રપિતા મહાત્મા ગાંધીજીની જન્મજયંતીની ઉજવણીના ભાગરૂપે, ભારત સરકારના 'સ્વચ્છતા હી સેવા ૨૦૨૫' અભિયાન હેઠળ સમગ્ર દેશમાં સ્વચ્છતા પખવાડિયું ઉજવવામાં આવી રહૃાું છે. રાજ્ય સરકારના સ્વચ્છ ભારત મિશન દ્વારા તા. ૧૭ સપ્ટેમ્બરથી તા.૨જી ઓક્ટોબર ૨૦૨૫ દરમિયાન આ પખવાડિયાનું આયોજન કરવામાં આવ્યું છે.આ અભિયાનના ભાગ રૂપે જામનગર તાલુકાના ખિજડીયા ગામે 'સ્વચ્છતા સંવાદ' કાર્યક્રમનું આયોજન કરાયું હતું. આ કાર્યક્રમમાં નિયામકશ્રી જિલ્લા ગ્રામ વિકાસ એજન્સી, ન્યાય સમિતિના ચેરમેન, સરપંચશ્રી, ઉપસરપંચશ્રી, અને તાલુકા વિકાસ અધિકારીશ્રી સહિત અન્ય મહાનુભાવો ઉપસ્થિત રહૃાા હતા.
કાર્યક્રમમાં 'ગામની સ્વચ્છતા અને પ્લાસ્ટિક વેસ્ટ મેનેજમેન્ટ' વિશે જાગૃતિ ફેલાવવા હેતુ ઉપસ્થિત અધિકારીઓએ પ્લાસ્ટિકના ઉપયોગના ગેરફાયદા, ક્લાયમેટ ચેન્જમાં તેની ભૂમિકા અને પર્યાવરણ પર થતી ગંભીર અસરો વિશે વિસ્તૃત માહિતી પૂરી પાડી હતી. સૌને પ્લાસ્ટિક મુક્ત ભારતના નિર્માણમાં સહભાગી થવા અને આવનારી પેઢીને સ્વચ્છ વાતાવરણ આપવા માટે સમજાવવામાં આવ્યા હતા.
કાર્યક્રમના અંતમાં, ઉપસ્થિત સૌ કોઈએ સ્વચ્છતા જાળવવાના શપથ લીધા હતા. ત્યારબાદ, સ્વચ્છતા રેલી યોજવામાં આવી, જેમાં બાળકો, ગ્રામજનો અને આગેવાનો ઉત્સાહપૂર્વક જોડાયા હતા. આ ઉપરાંત, ગામના લેગસી વેસ્ટની સફાઈ અને વૃક્ષારોપણની કામગીરી પણ હાથ ધરવામાં આવી હતી જેના દ્વારા પર્યાવરણ સંરક્ષણનો સંદેશો અપાયો હતો.
આ કાર્યક્રમમાં ગ્રામ પંચાયતના સભ્યો, તલાટી મંત્રી, શિક્ષકો, આંગણવાડી વર્કર્સ, ગ્રામ આગેવાનો, બાળકો, બ્લોક કો-ઓર્ડિનેટર, ક્લસ્ટર કો-ઓર્ડિનેટર, અને એન્જિનિયર્સ સહિત મોટી સંખ્યામાં લોકો ઉપસ્થિત રહૃાા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
