Author: નોબત સમાચાર
મુખ્યમંત્રી ભૂપેન્દ્રભાઈ પટેલે ભગવાન દ્વારકાધીશના કર્યા દર્શનઃ પાદૂકા પૂજન
ધારાસભ્ય પબુભા માણેક આયોજીત ધર્મોત્સવમાં હાજરી આપવા દ્વારકા પહોંચ્યા ત્યારે જગતમંદિર પરિસરમાં ભવ્ય સ્વાગતઃ સ્મૃતિભેટ અપાઈ
દ્વારકાના ધારાસભ્ય પબુભા માણેક આયોજીત ધાર્મિકોત્સવમાં ઉપસ્થિત રહેવા દ્વારકા પધારેલા ગુજરાતના મુખ્યમંત્રી ભૂપેન્દ્રભાઈ પટેલે દ્વારકાધીશ મંદિરે જઈને દર્શન-પૂજા કર્યા હતાં. મંદિર પરિસરમાં દેવસ્થાન સમિતિના વહીવટદાર રાજેશભાઈ તન્ના તેમજ પૂર્વ રાજ્યમંત્રી મૂળુભાઈ બેરાએ તેમનું સ્મૃતિભેટ આપી સ્વાગત-સન્માન કર્યું હતું. મંદિરના વારાદાર પૂજારી પ્રવિણભાઈએ મુખયમંત્રીને શ્રીજીનું ઉપરણું અર્પણ કરી આશીર્વાદ આપ્યા હતાં. મુખ્યમંત્રીએ રાજ્યના નાગરિકોની સુખ-શાંતિ અને સમૃદ્ધિ માટેની હૃદયપૂર્વક પ્રાર્થના ભગવાન દ્વારકાધીશના શ્રી ચરણોમાં કરી હતી. તેમણે ભક્તિભાવથી શાસ્ત્રોક્ત વિધિપૂર્વક પાદૂકાપૂજન પણ કર્યું હતું. મંખ્યમંત્રીએ મંદિર પરિસરમાં ઉપસ્થિત દર્શનાર્થીઓનું અભિવાદન ઝીલ્યું હતું અને સૌને જય દ્વારકાધીશ પાઠવ્યા હતાં. જિલ્લા વહીવટી તંત્ર દ્વારા મુખ્યમંત્રીને ઉપરણું, દ્વારકા મંદિરની પ્રતિકૃતિ, ફૂલ અને તુલસીની અગરબત્તી તથા પ્રસાદ અર્પણ કરવામાં આવ્યો હતો. દ્વારકાધીશ મંદિરમાં મુખ્યમંત્રી સાથે પૂર્વ મંત્રી અને ધારાસભ્ય મૂળુભાઈ બેરા, જિલ્લા કલેક્ટર રાજેશ તન્ના, પોલીસ અધિક્ષક જયરાજસિંહ વાળા, અગ્રણી મયુરભાઈ ગઢવી સહિત સ્થાનિક પદાધિકારીઓ ઉપસ્થિત રહ્યા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
