Author: નોબત સમાચાર
ડોર-ટુ-ડોર/ઓપન પોઈન્ટ પરથી કચરો ઉપાડનાર કોન્ટ્રાક્ટરો દ્વારા નિયમોનો ભંગ
જામનગર શહેર બની રહ્યું છે કચરાનગરઃ
જામનગર તા. ૬: જામનગર મહાનગરપાલિકા દ્વારા ડોર-ટુ-ડોર/ઓપન પોઈન્ટ પરથી કચરો ઉપાડવા બે કંપનીઓને કોન્ટ્રાક્ટ આપવામાં આવ્યો છે, પણ મનપાના સોલીડ વેસ્ટ વિભાગના અધિકારી/ કર્મચારીઓ સાથે મીલીભગતના કારણે આ કોન્ટ્રાક્ટરો દ્વારા છડેચોક ટેન્ડરની શરતોનો ભંગ કરવામાં આવી રહ્યો છે અને પરિણામે આખું જામનગર શહેર કચરાનગર બની ગયું હોવાનો આક્રોશ કોંગ્રેસના કોર્પોરેટર આનંદ રાઠોડે વ્યક્ત કર્યો છે.
મ્યુનિ. કમિશનરને પાઠવેલા આવેદનપત્રમાં જણાવ્યા પ્રમાણે મનપા દ્વારા પાવર લાઈન કંપની અને ઓમ સ્વચ્છતા કંપનીને કચરા ઉપાડવાનો કોન્ટ્રાક્ટર આપવામાં આવ્યો હતો. આ જાડી ચામડીવારા કોન્ટ્રાક્ટરો પોતાની મનમાની મુજબ જ કામ કરે છે, જ્યારે ટેન્ડરના નિયમોમાં ૧ ગાડી દીઠ ૧ ડ્રાઈવર અને ર હેલ્પરો હોય છે, પણ આ બન્ને કંપનીઓવાળા કોન્ટ્રાક્ટરો માત્ર ૧ હેલ્પરથી જ કામ ચલાવી રહ્યા છે. તે ટેન્ડરના નિયમ વિરૂદ્ધ છે. આ ટેન્ડર નિયમ વિરૂદ્ધ કામ કરતા હોય તો લગત વોર્ડના એસ.એસ.આઈ. અને એસ.આઈ. દ્વારા તેમના ઉપર પેનલ્ટી લગાડવાની હોય, પણ સોલીડ વેસ્ટના કર્મચારી અને અધિકારી સાથે મીલીભગત હોવાની શંકા છે. જેથી કરીને આ બન્ને કંપનીઓને ક્યારેક માત્ર મામુલી પેનલ્ટી મારીને સંતોષ માની લ્યે છે. આવનારા દિવસોમાં દિવાળીના તહેવાર હોય, અને હિન્દુ સંસ્કૃતિ મુજબ પોતાના ઘર, દુકાન કે ગોડાઉનની લોકો સફાઈ કરતા હોય છે. આ ડોર-ટુ-ડોર ગાર્બેજ ઉપાડવા જતી ગાડીઓ ર-૩ દિવસે ૧ વાર જ આવે છે, અને એ પણ સવારના ભાગમાં જ, તેમજ મહાનગરપાલિકાને ટેક્સ ભરતી પ્રજા સાથે ડ્રાઈવર અને હેલ્પર દ્વારા ગેરવર્તન કરી જવાબ આપતા હોય છે. પ્રજાને એમ કહે છે તમારે જ્યાં જવું હોય ત્યાં જાવ તમારાથી કશું નથી થવાનું. અમારી કંપનીના શેઠની ગાંધીનગર સુધી ઓળખ છે. અહિંયા પદાધિકારી અને અધિકારી સાથે સાંઠ-ગાંઠ છે, એટલે તો અમારી કંપનીને વારંવાર રીન્યુ કરવામં આવે છે. જો આ બાબતે આ બન્ને કંપનીઓ અને સોલીડ વેસ્ટના અધિકારી ઉપર એક્શન લેવામાં નહિં આવે તો ડોર-ટુ-ડોરનો ઓપન કચરો તેમજ દિવાળીમાં લોકોના ઘરોનો તેમજ દુકાનોની સફાઈનો જમા થયેલો કચરો ભરી અને પબ્લિકને સાથે રાખી ઓપન પોઈન્ટ પરથી પણ જાતે ભરીને જામનગર મહાનગર પાલિકાના પટાંગણ (મેદાન)માં ઠલાવવામાં આવશે, તેવી ચિમકી આપવામાં આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
