Author: નોબત સમાચાર
જામનગરના પટેલ કોલોનીમાં છરીબાજીમાં મહિલા અને પુરૃષ ગંભીર રીતે ઈજાગ્રસ્ત
મહિલાની હાલત નાજૂક ગણાવાઈ રહી છેઃ
જામનગર તા. ૧૬ઃ જામનગરના પટેલ કોલોની વિસ્તારમાં આધેડ વયના પુરૃષ અને મહિલા વચ્ચે કોઈ બાબતે ઉગ્ર બોલાચાલી થયા બાદ છરીબાજીની ઘટના બની હતી. બંનેને લોહી નીતરતી હાલતમાં સારવાર માટે હોસ્પિટલમાં ખસેડવામાં આવ્યા છે. આ બનાવની જાણ થતાં જ પોલીસ કાફલો હોસ્પિટલ અને બનાવ સ્થળે દોડી ગયો છે અને તપાસનો ધમધમાટ શરૃ કર્યાે છે.
જામનગરમાં પટેલ કોલોની આનંદ બાગ વિસ્તારમાં રહેતા મુકેશભાઈ નામના આધેડને ગળાના ભાગે છરી વડે ગંભીર ઈજા પહોંચી હતી. આ ઉપરાંત ભાવનાબેન નામના એક મહિલાને પણ ગળામાં છરી વડે હુમલો કરાયો હોવાથી આ બંનેને લોહી નીતરતી હાલતમાં ગંભીર ઈજા સાથે સારવાર માટે હોસ્પિટલમાં ખસેડવામાં આવ્યા છે. આ બનાવની જાણ થતાં જ પોલીસ કાફલો બનાવ સ્થળે અને હોસ્પિટલે દોડી ગયો છે અને પ્રાથમિક તપાસ શરૃ કરી છે.
મળતી માહિતી મુજબ મુકેશભાઈના ઘરે રસોઈ બનાવવા માટે ભાવનાબેન નામના મહિલા આવતા હતા. જ્યાં બંને વચ્ચે કોઈ બાબતે ઉગ્ર બોલાચાલી થયા પછી આ છરીબાજીની ઘટના બની હોવાનું જાણવા મળે છે. જો કે, આ સંપૂર્ણ બનાવની પોલીસ દ્વારા ઝીણવટભરી તપાસ શરૃ કરવામાં આવી છે. વધુ વિગત મુજબ મહિલાના ગળાની નસ કપાઈ ગઈ હોવાથી તેમની હાલત ગંભીર ગણાવાઈ રહી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
