Author: નોબત સમાચાર
સમન્સ અને વોરંટની બજવણીથી બચવા પાંચેક વર્ષથી નાસતા ફરતા આરોપીની અટક
લાલપુર પોલીસે જામનગર જેલમાં ધકેલી દીધોઃ
જામનગર તા. ૨: લાલપુરના ટેભડા ગામના એક શખ્સ સામે છેલ્લા પાંચ વર્ષમાં કેટલાક ગુન્હાઓ નોંધાયા પછી લાલપુર કોર્ટમાં ચેક પરતની ફરિયાદ થઈ હતી. વોરંટ તથા સમન્સની બજવણીથી બચવા નાસતા ફરતા આ શખ્સની લાલપુર પોલીસે અટકાયત કરી તેને જેલમાં ધકેલી દીધો છે.
લાલપુર તાલુકાના ટેભડા ગામના ભીમશીભાઈ જેતશીભાઈ ડાંગર નામના શખ્સ સામે છેલ્લા પાંચ વર્ષમાં જુદી જુદી પાંચ અદાલત દ્વારા કાઢવામાં આવેલા સમન્સ તથા વોરંટ બજી ન શકે તે માટે આ શખ્સ નાસતો ફરતો હતો.
આ શખ્સ સામે લાલપુરની અદાલતમાં વર્ષ ૨૦૨૨માં ચેક પરતની ફરિયાદ થવા ઉપરાંત જામનગરની કોર્ટમાં ત્રણ કેસ, રાજકોટની કોર્ટમાં એક, ઉપલેટાની કોર્ટમાં એક તેમજ કોલકાત્તાની કોર્ટમાં પણ કેટલાક કેસ નોંધાયેલા છે. આ શખ્સ પોલીસને હાથતાળી આપતો રહેતો હતો. તેની બાતમી મળતા લાલપુરના પીઆઈ કે.એલ. ગળચરની સૂચનાથી સ્ટાફે દબોચી લીધો છે અને તેને જામનગર જેલમાં ખસેડ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
