Author: નોબત સમાચાર
હાથમાં ખૂલી છરી રાખી સુદર્શન સેતુ પર ટહેલતા શખ્સના વીડિયોથી ચકચાર
હરકતમાં આવેલી પોલીસે ગુન્હો નોંધ્યોઃ
જામનગર તા. ૨૦: ઓખાથી બેટ દ્વારકા વચ્ચેના સુદર્શન સેતુ પર થોડા દિવસ પહેલાં એક શખ્સે હાથમાં ખૂલી છરી રાખી ટહેલતો હોય તેવો વીડિયો બનાવ્યો હતો અને ઈન્સ્ટાગ્રામમાં મૂક્યો હતો. તે વીડિયો પોલીસ સુધી પહોંચ્યા પછી બનાસકાંઠા જિલ્લાના આ શખ્સને પોલીસે પકડી પાડ્યો છે.
ઓખાને બેટ દ્વારકાથી જોડતા સુદર્શન બ્રિજ પર કેટલાક શખ્સો ફોટોગ્રાફી કરવા ઉપરાંત સીન જમાવતા વીડિયો બનાવી સોશિયલ મીડિયા પર વાયરલ કરી રહ્યા છે. જેમાંથી કેટલાક શખ્સોએ કરેલી વાંધાજનક પ્રવૃત્તિ પોલીસના રડારમાં છે.
તે દરમિયાન થોડા દિવસ પહેલાં સુદર્શન સેતુ પર એક શખ્સ પોતાના હાથમાં ખૂલી છરી રાખી ફરતો હોવાનો વીડિયો સોશિયલ મીડિયા પર વાયરલ થયો હતો. તે વીડિયો પોલીસ સુધી પહોંચતા તપાસ શરૂ કરાઈ હતી.
વીડિયોમાં દેખાતો શખ્સ બનાસકાંઠા જિલ્લાના વાવ તાલુકાના દેથલી ગામનો અરજણજી ભીખાજી ઠાકોર હોવાનું જણાઈ આવતા પોલીસે ગુન્હો નોંધ્યા પછી ઓખા પોલીસે અરજણજી ભીખાજીની અટકાયત કરી લીધી છે. આ શખ્સે હાથમાં ખૂલી છરી રાખી સુદર્શન સેતુ પર જઈ તેનો વીડિયો બનાવી ઈન્સ્ટાગ્રામમાં મૂક્યો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
