Advertisement
Author: નોબત સમાચાર

દરેડ પંથકમાંથી અપહરણ કરાયેલી સગીરા તથા આરોપી મધ્યપ્રદેશમાંથી ઝડપાઈ ગયા

સગડ દબાવતી પોલીસ મધ્યપ્રદેશ ધસી ગઈઃ

                                                                                                                                                                                                      

જામનગર તા. ૩૦: જામનગરના દરેડ પંથકમાંથી થોડા દિવસ પહેલા મૂળ મધ્યપ્રદેશનો એક શખ્સ સગીરાનું અપહરણ કરી ગયો હતો. તેના સગડ દબાવતી પોલીસે આરોપી તથા સગીરાને મધ્યપ્રદેશમાંથી પકડી લઈ જામનગર ખસેડ્યા પછી સગીરાનો કબજો પરિવારને સોંપ્યો છે અને આરોપીની ધરપકડ કરી છે.

જામનગરના દરેડ વિસ્તારમાંથી થોડા દિવસ પહેલાં એક સગીરા ગુમ થઈ ગઈ હતી. તેના પરિવારે શરૂ કરેલી શોધખોળ પછી તેણીને ઉત્તર પ્રદેશના જાલોલ જિલ્લાના સુધાર ગામનો વતની અને હાલમાં દરેડમાં રહેતો પ્રદીપ રામશંકર જાટવ ઉર્ફે રંગા નામનો શખ્સ નસાડી ગયો હોવાની જાણ થતા પોલીસને વાકેફ કરાઈ હતી.

આ બાબતે પંચકોશી બી ડિવિઝન પોલીસે ગુન્હો નોંધી આરોપીના સગડ દબાવ્યા હતા જેમાં પ્રદીપ ઉર્ફે રંગો મધ્યપ્રદેશના દતીયા જિલ્લાના ભગુઆ ગામમાં હોવાની વિગતો મળતા પીઆઈ વી.જે. રાઠોડની સૂચનાથી પોલીસ ટીમ મધ્યપ્રદેશ ધસી ગઈ હતી. ત્યાંથી પ્રદીપ ઉર્ફે રંગા અને આ સગીરા મળી આવ્યા હતા. બંનેને જામનગર ખસેડ્યા પછી સગીરાનો કબજો તેણીના પરિવારને સોંપવામાં આવ્યો છે અને આરોપી પ્રદીપ સામે આગળની કાર્યવાહી કરવામાં આવી છે.

જો આપને  પોસ્ટ ગમી હોય તો શેર કરો...

Follow us:   પ્રકારની બીજી પોસ્ટ માટે અમારી એપ ડાઉનલોડ કરો.

Android: https://rb.gy/surhtv

Apple ios: https://rb.gy/cee4r9

 

Social Media

ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો

https://www.instagram.com/nobatdaily?r=nametag

 

વિડિયો માટે અમારી યુ-ટ્યૂબ ચેનલને સબસ્ક્રાઈબ કરો

https://youtube.com/@Nobatofficial



Advertisement

અન્ય સમાચારો

Advertisement
close
Ank Bandh