પશ્ચિમ રેલવે દ્વારા ઓખા-શકુર બસ્તી વચ્ચે વિશેષ ભાડા પર સ્પે. ટ્રેનનો પ્રારંભ

Author: નોબત સમાચાર

પશ્ચિમ રેલવે દ્વારા ઓખા-શકુર બસ્તી વચ્ચે વિશેષ ભાડા પર સ્પે. ટ્રેનનો પ્રારંભ

દશેરા, દિવાળી અને છઠ્ઠ પૂજાના તહેવારો દરમ્યાન

રાજકોટ તા. ૧૧: પશ્ચિમ રેલવે દ્વારા મુસાફરોની સુવિધા અને દશેરા, દિવાળી અને છઠ્ઠ પૂજાના તહેવારોના સિઝન દરમ્યાન તેમની મુસાફરીની માંગને પૂરી કરવાના હેતુથી ઓખા-શકુર બસ્તી (દિલ્હી કેન્ટ પાસે આવેલ) વચ્ચે વિશેષ ભાડા પર સ્પેશિયલ ટ્રેન ચલાવવામાં આવશે.

જેમાં ટ્રેન નંબર ૦૯૫૨૩ ઓખા-શુકર બસ્તી સ્પેશિયલ દર મંગળવારે ઓખાથી ૧૦ વાગ્યે ઉપડશે, રાજકોટ તે જ દિવસે ૧૪:૪૦ વાગ્યે અને બીજા દિવસે ૧૦:૩૫ વાગ્યે શુકર બસ્તી પહોંચશે. આ ટ્રેન ૨૩ સપ્ટેમ્બરથી ૨૫ નવેમ્બર, ૨૦૨૫ સુધી ચાલશે. તેવી જ રીતે, ટ્રેન નંબર ૦૯૫૨૪ શુકર બસ્તી-ઓખા સ્પેશિયલ દર બુધવારે શુકર બસ્તીથી ૧૩:૧૫ વાગ્યે ઉપડશે અને બીજા દિવસે સવારે ૯ વાગ્યે રાજકોટ અને ૧૩:૫૦ વાગ્યે ઓખા પહોંચશે. આ ટ્રેન ૨૪ સપ્ટેમ્બરથી ૨૬ નવેમ્બર, ૨૦૨૫ સુધી ચાલશે.

આ ટ્રેન બંને દિશામાં દ્વારકા, ખંભાળીયા, જામનગર, હાપા, રાજકોટ, સુરેન્દ્રનગર, વિરમગામ, મહેસાણા, ઉંઝા, સિદ્ધપુર, પાલનપુર, આબુ રોડ, ફાલના, મારવાડ, બેવર, અજમેર, કિશનગઢ, જયપુર, ગાંધીનગર જયપુર, દૌસા, બાંદીકુઈ, અલવર, ગુડગાંવ અને દિલ્હી કેન્ટ સ્ટેશનો પર ઊભી રહેશે.

આ ટ્રેનમાં એસી-૨ ટાયર, એસી-૩ ટાયર, એસી ૩ ટાયર (ઈકોનોમી), સ્લીપર ક્લાસ અને સેકન્ડ ક્લાસના સામાન્ય કોચ હશે.

જો આપને આ પોસ્ટ ગમી હોય તો શેર કરો...