Author: નોબત સમાચાર
વિવાદિત વીડિયો દરેક પ્લેટફોર્મ પરથી હટાવવા પટણા હાઈકોર્ટનો કોંગ્રેસને આદેશ
વડાપ્રધાન અને તેના માતા સંબંધિત
પટણા તા. ૧૭: કોંગ્રેસને પટણા હાઈકોર્ટે વડાપ્રધાન મોદી અને તેના માતાનો એઆઈ વીડિયો દરેક પ્લેટફોર્મથી હટાવવા આદેશ કર્યો છે.
પટણા હાઈકોર્ટે બિહાર કોંગ્રેસને મોટો ઝટકો આપ્યો છે. હાઈકોર્ટે કોંગ્રેસને એઆઈથી મદદથી બનાવવામાં આવેલો વડાપ્રધાન મોદી અને તેમની માતાનો વીડિયો ડિલિટ કરવા નિર્દેશ આપ્યો છે. હાલમાં જ કોંગ્રેસે વડાપ્રધાન મોદી અને તેમની દિવંગત માતા હીરાબાનો એઆઈ વીડિયો બનાવી સોશિયલ મીડિયા પર પોસ્ટ કર્યો હતો.
આ મામલે સુનાવણી કરતા આજે ૧૭ સપ્ટેમ્બરે પટણા હાઈકોર્ટે કોંગ્રેસની ઝાટકણી કાઢતા મુખ્ય કાર્યકારી ન્યાયાધીશે કોંગ્રેસને સોશિયલ મીડિયા પરથી આ વીડિયો ડિલિટ કરવા આદેશ આપ્યો છે.
ઉલ્લેખનિય છે કે, બિહાર કોંગ્રેસે સોશિયલ મીડિયા એક્સ પર એક વીડિયો રજૂ કર્યો હતો, જેમાં દર્શાવવામાં આવ્યું હતું કે, વડાપ્રધાન મોદી સપનામાં પોતાની દિવંગત માતાને જુએ છે. તેમના માતા બિહારમાં પીએમ મોદીની રાજનીતિની ટીકા કરતા સલાહ આપતા જોવા મળે છે. વીડિયો વાયરલ થતા ભાજપે કોંગ્રેસ પર નિશાન સાધ્યું હતું. ભાજપે તેને શરમજનક ગણાવ્યું હતું.
આ મામલે કોંગ્રેસે સ્પષ્ટતા આપી હતી કે, વીડિયોમાં વડાપ્રધાન કે તેમની માતા પ્રત્યે કોઈ અનાદર કે અપમાનજનક ટિપ્પણી કરવામાં આવી નથી. કોંગ્રેસ નેતા પવન ખેડાએ જણાવ્યું હતું કે, તમને શું આપત્તિ છે? વીડિયો એક માતા પોતાના પુત્રને સાચો માર્ગ શીખવવાનો પ્રયાસ કરી રહ્યા છે, તેમાં કોઈ અનાદર કે અપમાન નથી.
જો કે, પટણા હાઈકોર્ટના આદેશ પછી કોંગ્રેસે પણ તેની મીડિયા સેલને જરૂરી સૂચનાઓ આપી હોવાનું જાણવા મળે છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
