Author: નોબત સમાચાર
ખોટા ફોર્મ નં. ૭ રજૂ કરનારાઓ સામે ફોજદારી ફરિયાદ કરવા ઉગ્ર માગણી
દેવભૂમિ દ્વારકા જિલ્લા કોંગ્રેસ દ્વારા
ખંભાળિયા તા. ૩૦: તાજેતરમાં દેવભૂમિ દ્વારકા જિલ્લા સહિત સમગ્ર રાજ્યમાં એસ.આઈ.આર.ની મતદાર યાદી સુધારણા કાર્યક્રમમાં ખોટા ફોર્મ નં. ૭ રજૂ કરીને ખોટી રીતે મતદારો સાચા હોય તેમને રદ્ કરવા મોટું કૌભાંડ થયું હોય, તાકીદે ફોર્મ સાત દફ્તરે કરીને તથા ખોટા ફોર્મ નં. ૭ રજૂ કરનારા સામે ફોજદારી રાહે પગલાં ભરવા તથા પોલીસમાં ફરિયાદ કરવા પણ માગ કરવામાં આવી છે.
કોંગ્રેસના દ્વારકા જિલ્લા પ્રમુખ પાલભાઈ આંબલિયા દ્વારા જિલ્લા કલેક્ટરને ફરિયાદ કરાઈ છે કે જે ફોર્મ નં. ૭ મા મતદારો રદ્ કરવા અરજીઓ થઈ છે. તેમાં અરજદારનું નામ છે તેમને જ ખબર નથી કે તેમના નામે ફોર્મ જમા થઈ ગયું છે. ફોર્મ રજૂ કરનારા ખોટા હોય તેમણે રજૂ કરેલ સી.સી. ટી.વી.ના કુટેજ આપવા તથા આવા લોકો સામે તાકીદે ફરિયાદ કરવા માગ કરાઈ છે. ખોટા નામ તથા ખોટા સરનામા ખોટા મોબાઈલ નંબર અને ખોટા આધારકાર્ડ હોવા છતાં પણ ર૮,૦૦૦ ફોર્મ નં. ૭ સ્વીકારાયા શા માટે? ફોર્મ નં. ૭ મા કેટલાયે ફોર્મમાં સહીઓ નથી, તારીખો નથી છતાં સ્વીકારાયા છે. કેટલાક કેસમાં બી.એલ.ઓ.એ આવા શંકાસ્પદ ફોર્મ સ્વીકારવાના કહેતા ઉપરના અધિકારીઓએ સ્વીકારયા છે. અધિકારીઓએ સહીઓ વગરના ફોર્મ ૭ સ્વીકારી તેમની 'ભાજપ ભક્તિ' સાબિત કરી છે. શું અધિકારીઓ પણ ભાજપના આ ષડ્યંત્રમાં સામેલ છે? તાકીદે તપાસ કરી પગલાં લેવા માગણી કરવામાં આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
