Author: નોબત સમાચાર
સલાયામાં મતદારોના નામ કમી કરવા બાબતે ઉગ્ર વિરોધઃ રેલી યોજી આવેદન
આધાર પુરાવા વિનાના ફોર્મ નં. ૭ દફ્તરે કરવાની માગણી
સલાયા તા. ૩૧: જિલ્લા કોંગ્રેસ સમિતિ દેવભૂમિ દ્વારકા દ્વારા મતદારોના નામ કમી બાબતે વિરોધ નોંધાવવા અને મતદારોને મતદાનથી વંચિત રાખવાના આરોપ સાથે તેમજ ફોર્મ નંબર ૭ જે ખોટી રીતે અને આધાર પુરાવા વગર રજૂ થયાના આરોપ સાથે એક રેલી યોજી અને જિલ્લા કલેક્ટર કચેરીએ આવેદનપત્ર આપવામાં આવ્યું હતું, જેમાં પૂર્વ સાંસદ વિક્રમભાઈ માડમ, પાલભાઈ આંબલિયા તેમજ જિલ્લા કોંગ્રેસના દિગ્ગજ નેતાઓ અને હોદ્દેદારો તેમજ કાર્યકરો હાજર રહ્યા હતાં. આ રેલીમાં સલાયા નગરપાલિકાના સદસ્ય અને મુસ્લિમ સમાજના અગ્રણી ઈરફાન અબ્બાસ ભાયાની આગેવાનીમાં મોટી સંખ્યામાં ભાઈઓ-બહેનો જોડાયા હતાં. સલાયામાં હજારોની સંખ્યામાં મતદાર યાદીમાંથી મતદારોના નામ કમી થતા હોવાથી જેના વિરોધમાં આ રેલીમાં લોકો જોડાયા હતાં અને આવેદનપત્ર આપી વિરોધ નોંધાવ્યો હતો.
ફોર્મ નં. ૭ આપી દર્શાવેલ વાંધા અરજી બાબતે સંપૂર્ણ ચકાસણી અને આધાર પુરાવા સક્ષમ અધિકારીઓએ ચકાસી અને ત્યારપછી કાર્યવાહી કરવા માગણી કરી હતી તેમજ ફોર્મ નં. ૭ જેમાં કોઈ આધાર પુરાવા રજૂ ન થયા હોય અથવા ખોટા રજૂ થયા હોય તેમના ફોર્મ નં. ૭ દફ્તરે કરવા તેમજ આવા ફોર્મ રજૂ કરનાર સામે કાયદેસરની કાર્યવાહી કરવા તથા મતદારોને મતદાનથી વંચિત નહીં કરવા માગ કરાઈ હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
