શ્રી વૈશ્વાનર યુવા સંગઠન દ્વારા જામનગરમાં બોક્સ ક્રિકેટ ટુર્નામેન્ટ શરૃઃ ૨૮ ટીમ વચ્ચે સ્પર્ધા

Author: નોબત સમાચાર

શ્રી વૈશ્વાનર યુવા સંગઠન દ્વારા જામનગરમાં બોક્સ ક્રિકેટ ટુર્નામેન્ટ શરૃઃ ૨૮ ટીમ વચ્ચે સ્પર્ધા

પૂ.પા.ગો. ૧૦૮ વલ્લભરાયજી મહોદય તથા પૂ.પા.ગો. ૧૦૮ રસાર્દ્રરાયજી મહોદય ટોસ વિધિ પછી ક્રિકેટ પણ રમ્યા!

શ્રી વૈશ્વાનર યુવા સંગઠન જામનગર દ્વારા આયોજીત બોક્સ ક્રિકેટ ટુર્નામેન્ટનું આયોજન કરવામાં આવ્યું છે. ચાર દિવસીય આ બોક્સ ક્રિકેટ ટુર્નામેન્ટમાં માત્ર પુષ્ટિસંપ્રાદયના બ્રહ્મ સંબંધી વૈશ્નવો માટે પુષ્ટિ સંપ્રદાય મોટી હવેલી જામનગર દ્વારા ભવ્ય આયોજન કરવામાં આવ્યું છે.

ગઈકાલે સાંજે આ બોક્સ ક્રિકેટ ટુર્નામેન્ટનું ઉદ્ઘાટન જામનગર મોટી હવેલીના પ.પૂ. ૧૦૮ વલ્લભરાયજી મહોદયશ્રી, પૂ.પા.ગો. ૧૦૮ રસાર્દરાયજી મહોદય, તેમજ જામનગર વૈષ્ણવ સમાજના પ્રમુખ વજુભાઈ પાબારી, અમીબેન પરીખ, નલીનભાઈ રાજાણી, અમર ગોંદીયા સહિતના મહાનુભાવોના હસ્તે દીપ પ્રાગટ્ય કરવામાં આવ્યું હતું. ત્યારપછી પ.પૂ.પા.ગો. શ્રી વલ્લભરાયજી, તથા રસાર્દરાયજી મહોદય દ્વારા ટોસ વિધિ કરવામાં આવી હતી. આ આયોજનમાં અઠ્ઠયાવીસ જેટલી ટીમે ભાગ લીધેલો છે.

ટોસ વિધિ કરાયા પછી શ્રી વલ્લભરાયજી મહોદયએ પણ બેટીંગ કરી હતી અને આ ટુર્નામેન્ટનો આનંદ માણ્યો હતો. ત્યારપછી વલ્લભરાયજી મહોદય તેમજ રસાર્દરાયજી મહોદયે ઉપસ્થિત બન્ને ટીમ તેમજ આ ટુર્નામેન્ટમાં ભાગ લીધેલ તમામ ટીમના પ્લેયર્સને આશીર્વચન પાઠવ્યા હતાં. બોક્સ ક્રિકેટ ટુર્નામેન્ટના આયોજન માટે જામનગરના વૈશ્વાનર યુવા સંગઠનના કાર્યકરો જહેમત ઊઠાવી રહ્યા છે.

જો આપને આ પોસ્ટ ગમી હોય તો શેર કરો...