Author: નોબત સમાચાર
લાલપુરના પીપળી ગામમાં વૃદ્ધ પર પિતા તથા પુત્રએ હુમલો કરી હડધૂત કર્યા
વચ્ચે પડનાર વૃદ્ધના પુત્રને પણ માર પડયોઃ
જામનગર તા. ૨: લાલપુરના પીપળી ગામમાં સોમવારની રાત્રે એક વૃદ્ધને પિતા પુત્રએ માર મારી જ્ઞાતિ પ્રત્યે હડધૂત કર્યા હતા. વૃદ્ધને બચાવવા માટે વચ્ચે પડેલા તેમના પુત્રને પણ માર મારવામાં આવ્યો હતો. પોલીસે એટ્રોસિટી એકટ સહિતની કલમો હેઠળ ગુન્હો નોંધ્યો છે.
લાલપુર તાલુકાના પીપળી ગામના ચનાભાઈ પરબતભાઈ મકવાણા નામના વૃદ્ધ સોમવારે રાત્રે પાદરમાં ઉભા હતા અને તે વખતે પીપળીના જ પચીસેક જેટલા અન્ય વ્યક્તિઓ પણ હાજર હતા ત્યારે પ્રફુલ પુંજા ભરવાડ નામનો શખ્સ ત્યાં આવ્યો હતો.
આ શખ્સે તને અહીં આવવાની મનાઈ છે તો પણ કેમ આવ્યો છો ? તેમ કહી જ્ઞાતિ વિશે હડધૂત કર્યા હતા. તેથી ચનાભાઈએ પોલીસને જાણ કરવાનું કહેતા પ્રફુલ પુંજા તેમજ તેના પિતા પુંજા પરબતભાઈ ભરવાડે ઢીકાપાટુથી માર માર્યો હતો. આ વેળાએ ચનાભાઈનો પુત્ર ધીરજ પિતાને બચાવવા વચ્ચે પડતા પ્રફુલે પાઈપ ઉપાડી ચનાભાઈને ઝીંક્યો હતો. લાલપુર પોલીસ સ્ટેશનમાં ચનાભાઈએ ફરિયાદ નોંધાવી છે. પોલીસે પ્રફુલ તથા તેના પિતા પુંજાભાઈ સામે એટ્રોસિટી એકટ સહિતની કલમો હેઠળ ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
