Author: નોબત સમાચાર
અભ્યાસ બાબતે પિતાએ ઠપકો આપતા માઠું લાગી આવતા પુત્રની આત્મહત્યા
ધ્રોલની બાવની નદીમાં ઝંપલાવી લેતાં મૃત્યુઃ
જામનગર તા. ૬: ધ્રોલના રોજીયા ગામમાં રહેતા એક યુવાનને તેના પિતાએ અભ્યાસ બાબતે ઠપકો આપતા આ યુવાને બાવની નદીમાં કૂદકો મારી આત્મહત્યા કરી લીધી છે. પોલીસે મૃતકના મોટાભાઈનું નિવેદન નોંધી તપાસ હાથ ધરી છે.
ધ્રોલ તાલુકાના રોજીયા ગામના સુનિલભાઈ વિક્રમભાઈ ડાંગર નામના ૨૪ વર્ષના યુવાને શનિવારે સવારે પોતાના ઘરેથી નીકળી જઈને ધ્રોલ નજીક આવેલી બાવની નદી પાસે જઈ તેમાં કૂદકો મારી લીધો હતો યુવાનનું ડૂબી જવાથી મૃત્યુ નીપજ્યું હતું.
બનાવની પોલીસને તથા ફાયરબ્રિગેડને જાણ કરવામાં આવતા બંને દોડી આવ્યા હતા ડેમના પાણીમાંથી ફાયરબ્રિગેડની ટુકડીએ સુનિલભાઈના મૃતદેહને બહાર કાઢી પોલીસને સોંપ્યો હતો. આ બનાવની જાણ થતાં સુનિલભાઈના પરિવારજનો દોડી આવ્યા હતા. પોલીસે તેમના મોટાભાઈ પ્રવીણભાઈનું નિવેદન નોંધ્યું છે. જેમાં તેઓએ જણાવ્યા મુજબ આ યુવાનને તેના પિતાએ અભ્યાસ બાબતે ઠપકો આપતા માઠું લાગી આવવાથી તેણે બાવની નદીમાં કૂદકો મારી જીવતર ટૂંકાવી લીધું છે. પોલીસે નિવેદનની નોંધ કરી આગળની કાર્યવાહી હાથ ધરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
