Author: નોબત સમાચાર
જામનગરમાં લીમડાલાઈનની વેશભૂષાવાળી 'ભારત માતા' ગરબી કોમી એકતાનું પ્રતીક
સાડા છ દાયકા જુની આ ગરબીમાં ખેલૈયાઓ દેવી-દેવતાઓના ઐતિહાસિક પાત્રો ધારણ કરીને ગરબે ઘૂમે છે
શહેરમાં લીમડાલાઇન વિસ્તારમાં વેશભૂષાવાળી ગરબીથી પ્રખ્યાત એવી ભારતમાતા આદર્શ ગરબી મંડળની ગરબી પણ સાડા છ દાયકા જૂની છે.અહીં ખેલૈયાઓ દેવી દેવતાઓ તથા ઐતિહાસિક પાત્રોની વેશભૂષા ધારણ કરી ગરબે ઘૂમે છે જે નિહાળવા બાળકો તલપાપડ હોય છે. શહેરનાં લગભગ દરેક નાગરિકે પોતાનાં બાળપણમાં આ ગરબી અચૂક નિહાળી હશે. એટલેકે આ ગરબી શહેરનાં સાંસ્કૃતિક વારસાનું એક અભિન્ન અંગ છે. સ્થાનિક રામાણી પરિવાર, લીંબાસીયા પરિવાર તથા ગજેરા પરીવાર દ્વારા આ ગરબીનું સુચારૂ આયોજન કરવામાં આવે છે. આ વિસ્તારનાં મુસ્લિમ તથા ખ્રિસ્તી સ્થાનિકો પણ ગરબીમાં ભાગ લેતા હોવાથી એકતાની દૃષ્ટીએ પણ આ ગરબી આદર્શ છે. આ ગરબી મંડળનું આયોજન અમૃતલાલ રામાણી બ્રધર્સ, જીતુભાઇ રામાણી બ્રધર્સ, લલીતભાઇ રામાણી બ્રધર્સ, પ્રફુલભાઇ લીંબાસીયા, દિનેશભાઇ લીંબાસીયા, હરીભાઇ ગજેરા, અશોકભાઇ પાબારી વગેરે સભ્યો દ્વારા કરવામાં આવે છે. બહેનો ના રાસ ગરબામાં કોરીયોગ્રાફી મયૂરી પંડયા, યશસ્વી શાહ, પ્રકાશ રામાણી તથા હિતેશ રામાણી સેવા આપે છે. ભાઇઓના ધાર્મિક વેશભૂષા તૈયાર કરવા તથા મેકઅપ મેન તરીકે કિશોર રામાણી, મુકેશ રામાણી, રાજેશ રામાણી, કૌશીક લીંબાસીયા, વિપુલ લીંબાસીયા તથા શૈલેષ બુસા જહેમત ઉઠાવે છે. મંડપ, સાઉન્ડ તથા ઇલેક્ટ્રીક ડેકોરેશન મનસુખ રામાણી, વિપુલ લીંબાસીયા, સતિષભાઇ ગજેરા કાર્યરત છે. તેમજ બેનર ડિસ્પ્લે માટે વિવેક રામાણી, સુનિલ રામાણી, જીગ્નેશ ગજેરા દ્વારા સેવા આપવામાં આવે છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
