Author: નોબત સમાચાર
શારીરિક અશક્ત વૃદ્ધ મહિલાનું પરિવાર સાથે મિલન કરાવતી ૧૮૧ અભયમ ટીમ
વૃદ્ધોને ભાવનાત્મક ટેકો પૂરો પાડી કાઉન્સેલિંગ કરાયું:
જામનગર તા. ૧૮: જામનગર ૧૮૧ અભયમની ટીમે એક શારીરિક રીતે અશક્ત વૃદ્ધ મહિલાનું પરિવાર સાથે મિલન કરાવ્યું છે. એક જાગૃત નાગરિક દ્વારા ૧૮૧ પર કોલ કરીને જણાવ્યું હતું કે કોઈ નિઃસહાય વૃદ્ધા એક ખેતરમાં છે અને તેને મદદની જરૂર છે. ત્યાર બાદ તાત્કાલિક ધોરણે ૧૮૧ ટીમના કાઉન્સેલર રૂપલ મકવાણા, મહિલા કોન્સ્ટેબલ ગીતાબેન ધારવિયા અને ડ્રાઈવર સુજીતભાઈ વાઘેલા સહિતની ટીમ ઘટનાસ્થળે પહોંચ્યા હતા. ત્યાં પહોંચતા સાથે વૃદ્ધાને ભાવનાત્મક ટેકો પૂરો પાડી કાઉન્સેલીંગ કર્યું હતું.
આ દરમ્યાન વૃદ્ધાની યાદશક્તિ નબળી જણાતા માત્ર પોતાનું અને તેમના દીકરાનું નામ જણાવ્યું હતું. અને પોતાના રહેણાંક વિસ્તારની અપૂરતી માહિતી આપી શક્યા હતા. બાદમાં અભયમની ટીમે માહિતીના આધારે આજુબાજુના વિસ્તારોમાં તપાસ કરતા એક વ્યક્તિ વૃદ્ધાની ઓળખ થઈ હતી. અને અભયમની ટીમે તેણીના પરિવારજનોનો સંપર્ક કર્યો હતો. તેઓએ જણાવ્યું કે તેમના બા સવારે ઘરેથી નીકળ્યા હતા અને તેઓને રસ્તો યાદ રહેતો નથી. સવારથી તેઓ શોધખોળ કરતા હતા. પરંતુ અભયમની ટીમે પુનઃ મહિલાનું પરિવારજનો સાથે મિલન કરાવતા તેઓએ સમગ્ર ટીમનો આભાર વ્યક્ત કર્યો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
