જામનગરમાં યોજાયા સરસ્વતી સન્માન સમારોહ તથા સ્નેહમિલનઃ તેજસ્વી તારલાઓનું બહુમાન

Author: નોબત સમાચાર

જામનગરમાં યોજાયા સરસ્વતી સન્માન સમારોહ તથા સ્નેહમિલનઃ તેજસ્વી તારલાઓનું બહુમાન

જામનગર તા. ૨૦: જામનગરમાં ઔદિચ્ય સહસ્ત્ર ઝાલાવાડી બ્રાહ્મણ જ્ઞાતિ ટ્રસ્ટ (દયાશંકર બ્રહ્મપુરી)માં તા. ૧૧-૧-૨૬ ના શ્રી સરસ્વતી સન્માન સમારોહ તથા સ્નેહમિલનનું આયોજન કરવામાં આવ્યું હતું. જેમાં જ્ઞાતિના બાલમંદિર થી ઉચ્ચ અભ્યાસ સુધીના વિદ્યાર્થીઓને રોકડ પુરસ્કાર તથા ભેટ આપી પ્રોત્સાહિત કરાયા હતા.

જ્ઞાતિ પ્રમુખ અતુલભાઈ મહેતા, ઉપપ્રમુખ જનાર્દન ભાઈ રાવલ, મંત્રી મહેશભાઈ રાવલ તથા કારોબારી સદસ્યો સાથે શિક્ષણ પ્રમુખ ભવનીશભાઈ ત્રિવેદી, ઉપપ્રમુખ દક્ષાબેન ત્રિવેદી, મંત્રી કમલભાઈ પંડયા અને સહમંત્રી હેતલબેન ત્રિવેદી તથા શિક્ષણ સમિતિના હોદ્દેદારો તથા જ્ઞાતિના દાતાઓના હસ્તે પુરસ્કાર વિતરણ કરવામાં આવ્યું હતું. જેમણે ઉચ્ચતમ ગુણો પ્રાપ્ત કર્યા તેમને ગોલ્ડ પ્લેટેડ સિલ્વર મેડલ તથા તેમના માતા-પિતાને ફૂલહાર અને શાલ આપી સન્માનિત કરવામાં આવ્યા હતા. આ કાર્યક્રમમાં આચાર્ય ૧૦૮ શ્રી કૃષ્ણમણી મહારાજએ ઉપસ્થિત રહીને વિદ્યાર્થીઓને અને જ્ઞાતિ જનોને આશીર્વાદ આપ્યા હતા. આ કાર્યક્રમનું સમગ્ર સંચાલન શિક્ષણ સમિતિના પ્રમુખ ભવનીશભાઈ ત્રિવેદી દ્વારા કરવામાં આવ્યું હતું.ં કાર્યક્રમને સફળ બનાવવામાં હેતલબેન ત્રિવેદી, યશભાઈ દવે, ખુશીબેન રાવલ, શિવાનીબેન ભટ્ટ, નિખિલભાઈ આચાર્ય તથા મયુરભાઈ શુક્લએ જહેમત ઉઠાવી હતી.

જો આપને આ પોસ્ટ ગમી હોય તો શેર કરો...