Author: નોબત સમાચાર
વાહન ભાડે ચડાવી દેવાના બહાને ટ્રેક્ટર ટ્રોલીની છેતરપિંડી કરનાર શખ્સ સામે ફરિયાદ
આરોપીએ વાહન અન્યને ગિરવે મૂક્યા હતાઃ
જામનગર તા. ૨૬: રાજકોટ પંથકના એક માલધારી ખેડૂત પાસેથી ટ્રેક્ટર અને ટ્રોલીને ખાનગી કંપનીમાં ભાડે રખાવી દેવાના બહાને છેતરપિંડી કરવામાં આવી હતી. આ બનાવ અંગે ધ્રોલ પંથકના પીયાવા ગામના શખ્સ સામે પોલીસમાં ફરિયાદ નોંધાવાઈ છે.
રાજકોટ જિલ્લાના વિછીયા તાલુકાના હાથસણી ગામના ગભરૂભાઈ ગોવિંદભાઈ સુસરા નામના આસામીએ ધ્રોળ તાલુકાના પિયાવા ગામમાં વસવાટ કરતા રમેશભાઈ ભૂંડીયા સામે પોલીસમાં છેતરપિંડી તથા વિશ્વાસઘાત કરવા અંગે ફરિયાદ નોંધાવી છે.
ફરિયાદમાં જણાવવામાં આવ્યા મુજબ ગભરૂૂભાઈ પાસેથી ચાલુ મહિનામાં રમેશ ભૂંડીયાએ તેઓનું ટ્રેક્ટર ખાનગી કંપનીમાં દર મહિને રૂપિયા ૩૦,૦૦૦ના ભાડાથી રખાવી દેવાની લાલચ બતાવી હતી. તેમા આવી ગયેલા ગભરૂભાઈ પાસેથી જેનું પાસિંગ પણ બાકી હતું. તે રૂપિયા સાત લાખના ટ્રોલી અને ટ્રેક્ટર મેળવી લીધા હતા. ત્યાર પછી ગભરૂભાઈને ધ્યાનમાં આવ્યો હતો કે રમેશ ભૂંડીયાએ ધ્રોલના પાંચાભાઇ વરૂ નામના વ્યક્તિને ત્યાં તેઓના ટ્રેક્ટર તથા ટ્રોલી ગિરવે રાખી દીધા છે. તેથી તેઓએ ધ્રોલ પોલીસ મથકમાં ફરિયાદ નોંધાવી છે.
ભાવનગર ના ઇન્દિરા નગરમાં રહેતા નિર્મળાબેન ઉર્ફે રાધિકાબેન રણજીતભાઈ નામના ૩૨ વર્ષના મહિલાના લગ્ન કાલાવડ તાલુકામાં બાંગા ગામના રણજીતભાઈ બીજલભાઇ મૈયજ સાથે થયા પછી ગઈ તા.૧૬ના દિવસે રાધિકાબેન પોતાના સાસરે આવતા તેઓને નાનુબેન રામજીભાઈ,યુવરાજ રામજીભાઈ, રામજીભાઈ બીજલભાઇ મૈયજ ,રણજીત ભાઈ અને અરુણાબેન પરેશભાઈ ખીમાણીયાએ ગાળો ભાંડી હતી અને સાસરે આવતી નહીં તોજાન થી મારી નાખીશું તેવી ધમકી આપી હતી.તેથી રાધિકાબેને કાલાવડ ગ્રામ્ય પોલીસમાં ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
