Author: નોબત સમાચાર
કાલાવડમાં નિયમ વિરૂદ્ધ પ્રસુતી ગૃહ ચલાવતા બે સામે ફરિયાદઃ મુદ્દામાલ કબજે
જામનગર તા. ૨૬: કાલાવડના પીડબલ્યુડી સર્કલ પાસે નિયમ વિરૂદ્ધ પ્રસુતી ગૃહ ચલાવવા અંગે એસઓજી પોલીસે બે શખ્સ સામે ગુન્હો નોંધ્યો છે અને દવાખાનામાંથી દવા, સાધનો મળી રૂ. ૩૮ હજારથી વધુની કિંમતનો મુદ્દામાલ કબજે કર્યાે છે.
કાલાવડ શહેરમાં ડોક્ટર ન હોવા છતાં બે શખ્સ દવાખાનુ ચલાવતા હોવાની બાતમી મળતા એસઓજી સ્ટાફે કાલાવડમાં દીપક ખીમજીભાઇ સોંદરવા નામના શખ્સના કહેવાતા દવાખાનામાં દરોડો પાડ્યો હતો. ત્યાથી કાલાવડનો સંજય હીરાભાઈ વાઘેલા નામનો શખ્સ મળી આવ્યો હતો.
એસઓજીએ પૂછપરછ કરતા દિપક ખીમજીભાઈ અગાઉ જનની પ્રસુતિગૃહમાં નોકરી કરતો હોવાનું અને લાંબા સમય સુધી ત્યાં નોકરી કર્યા પછી થોડી ઘણી જાણકારી મેળવી લઈ આ શખ્સે પોતે ડોક્ટર ન હોવા છતાં દવાખાનું શરૂ કરી દીધાનું અને તેમાં સંજય વાઘેલાને પણ સાથે રાખ્યાનુ બહાર આવતા એસઓજીએ બંને સામે કાર્યવાહી કરી આ શખ્સના કહેવાતા દવાખાનામાંથી તબીબી સાધનો વગેરે મળી કુલ રૂપિયા ૩૮,૬૪૪નો મુદ્દામાલ કબ્જે કરવામાં આવ્યો છે.કાલાવડ શહેર પોલીસ સ્ટેશનમાં બંને સામે ગુન્હો રજીસ્ટર કરાવાયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
