Author: નોબત સમાચાર
સાળીએ કરેલી બોલાચાલીનો ખાર રાખી બનેવી પર મહિલા સહિત ત્રણે કર્યાે હલ્લો
રિક્ષા રોકાવી ધોકા વડે તૂટી પડ્યાઃ
જામનગર તા. ૫: જામનગરના ગાંધીનગર વિસ્તારમાં રહેતા એક યુવાનની સાળીએ અન્ય મહિલા સાથે કરેલી બોલાચાલીનો ખાર રાખી ગઈકાલે સાંજે એક મહિલા તથા તેના બે પુત્રએ ધોકાથી હુમલો કરી આ યુવાનને ધોકાવી નાખ્યો હતો.
જામનગરના ગાંધીનગર વિસ્તારમાં આવેલા બાપા સિતારામ મંદિર નજીક વસવાટ કરતા સુલ્તાન આદમભાઈ બાલોયા નામના રિક્ષા ડ્રાઈવર ગઈકાલે સાંજે પત્ની તથા સંતાનો સાથે જી.જી. હોસ્પિટલમાં દવા લેવા આવ્યા પછી પરત ફરતા હતા ત્યારે ખોડમીલના ઢાળીયા પાસે ત્રણ વ્યક્તિએ તેઓને રોકાવ્યા હતા.
બે દિવસ પહેલાં સુલ્તાનના સાળી નઝમાબેન સાથે અમીબેનને ઝઘડો થયો હતો. તે બાબતનો ખાર રાખી ગઈકાલે સાંજે અમીબેન, તેના પુત્ર દિલાવર અને સીકંદરે રિક્ષા રોકાવ્યા પછી ગાળો ભાંડવાનું શરૂ કર્યું હતું. દિલાવરે પોતાની પાસે રહેલો ધોકો માથામાં ફટકારતા સુલતાન પડી ગયો હતો. તેના પર અમીબેન ધોકા વડે તૂટી પડ્યા હતા. સીકંદરે મુંઢ માર માર્યાે હતો અને સુલ્તાનને ઢસડ્યો હતો. તારી સાળી હવે બોલાચાલી કરશે તો જાનથી મારી નાખીશ તેવી ધમકી આપી ત્રણેય હુમલાખોર ચાલ્યા ગયા હતા. સારવારમાં ખસેડાયેલા સુલ્તાને મોડીરાત્રે સિટી બી ડિવિઝન પોલીસ સ્ટેશનમાં ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
