Author: નોબત સમાચાર
સુભાષબ્રિજ પરથી ઈંગ્લીશ દારૂની પંચાવન બોટલ સાથે એક શખ્સ ઝબ્બે
શેઠવડાળા પાસેથી બોટલ સાથે એક પકડાયોઃ
જામનગર તા. ૨૫: જામનગરના સુભાષબ્રિજ પરથી ગઈરાત્રે એલસીબીએ એક શખ્સને ઈંગ્લીશ દારૂની નાની મોટી પંચાવન બોટલ સાથે પકડી પાડ્યો છે. જ્યારે શેઠવડાળા પાસેથી એક શખ્સ બોટલ સાથે ઝડપાઈ ગયો છે.
જામનગરના સુભાષબ્રિજ પાસે ગઈકાલે રાત્રે એક શખ્સ ઈંગ્લીશ દારૂના જથ્થા સાથે પસાર થતો હોવાની બાતમી એલસીબીના ઘનશ્યામ ડેરવાડીયા, ધર્મેન્દ્રસિંહને મળતા પીઆઈ વી.એમ. લગારીયાના વડપણ હેઠળ એલસીબીની ટીમે વોચ રાખી હતી.
તે દરમિયાન ત્યાંથી પસાર થતાં દરેડ નજીકના ખોડિયારનગર પાસે ઘઉંના ગોડાઉન પાસે રહેતા પરેશ જીવાભાઈ ગોરડીયા નામના શખ્સને રોકી લેવામાં આવ્યો હતો. આ શખ્સની તલાશી લેવાતા તેની પાસેથી ઈંગ્લીશ દારૂની નાની મોટી પપ બોટલ મળી આવી હતી. એલસીબીએ બોટલ તથા એક મોબાઈલ કબજે કરી પરેશની અટકાયત કરી છે. આ શખ્સ સામે સિટી બી ડિવિઝન પોલીસ સ્ટેશનમાં ગુન્હો નોંધાવાયો છે.
જામજોધપુરના શેઠવડાળાથી કલ્યાણપર ગામ તરફના રસ્તા પરથી ગઈરાત્રે આરીફ હનીફ નોતીયાર નામનો શખ્સ ઈંગ્લીશ દારૂની બોટલ સાથે ઝડપાઈ ગયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
