Author: નોબત સમાચાર
જામનગર જિલ્લા તથા શહેર સમસ્ત બ્રહ્મ સમાજની નવી કારોબારીની ટીમ જાહેર
શરદોત્સવની ઉજવણી દરમ્યાન
જામનગર તા. ૧૧: જામનગર જિલ્લા તથા શહેર સમસ્ત બ્રહ્મ સમાજની નવી કારોબારી ટીમની જાહેરાત તાજેતરમાં કરાઈ હતી, અને જિલ્લા મહિલા પ્રમુખ તથા મહિલા સંગઠનના અન્ય હોદ્દેદારો અને શહેર પ્રમુખ તથા અન્ય હોદ્દેદારોના નામની જાહેરાત કરવામાં આવી હતી, અને તમામનું સન્માન કરવામાં આવ્યું હતું. નવા તમામ હોદ્દેદારોને બ્રહ્મ સમાજના અનેક અગ્રણીઓ વગેરેએ અભિનંદન પાઠવ્યા હતા.
જામનગર જિલ્લાના પ્રમુખ તરીકે આશિષભાઈ જોશીની જિલ્લાના મહામંત્રી તરીકે ભાસ્કરભાઈ જોશીની અગાઉ નિમણૂક કરી લેવાયા પછી તેઓની ઉપસ્થિતિમાં સંગઠનના અન્ય હોદ્દેદારોના નામની જાહેરાત થઈ હતી, જેમાં શહેર પ્રમુખ તરીકે યુવા અગ્રણી કાર્યકર હિરેનભાઈ કનૈયાની નિમણૂક કરાઈ છે, જ્યારે શહેર મહામંત્રી તરીકે જસ્મીન ધોળકીયાની જાહેરાત કરવામાં આવી હતી. આ સાથે જ જામનગર જિલ્લાની બ્રહ્મ સમાજની મહિલા પાંખની ટીમની પણ જાહેરાત કરવામાં આવી હતી. જેમાં જિલ્લાના મહિલા પ્રમુખ તરીકે મનીષાબેન સુંબડ, જિલ્લા મહિલા મહામંત્રી તરીકે વૈશાલીબેન જોશી, શહેર મહિલા પ્રમુખ તરીકે જાગૃતિબેન ત્રિવેદી, શહેર મહિલા મહામંત્રી તરીકે મીનાબેન જ્યોતિષીની નિમણૂક કરાઈ હતી, જે તમામનું પુષ્પહાર કરીને સન્માન કરવામાં આવ્યું હતું. આ ઉપરાંત યુવા ટીમમાં જિલ્લા યુવા પ્રમુખ તરીકે જનકભાઈ ખેતીયા, જિલ્લા યુવા મહામંત્રી તરીકે ચિરાગભાઈ પંડયા અને વિમલભાઈ જોશી, શહેર યુવા પ્રમુખ તરીકે ચિરાગભાઈ અસવાર, શહેર યુવા મંત્રી યશ મહેતા (ભૂદેવ), હર્ષલભાઈ જોશી વગેરેની નિમણૂક કરવામાં આવી છે. આગામી સમયમાં બધી ટીમના ઉપપ્રમુખ તથા મંત્રીની ટીમ જાહેર કરવામાં આવશે, તથા જિલ્લામાં તાલુકાની મુલાકાત લઈ વિસ્તૃત ટીમ પણ બનાવવામાં આવશે, તેવી માહિતી નવનિયુક્ત જિલ્લા પ્રમુખ આશિષ જોશી દ્વારા આપવામાં આવી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
