અમેરિકા ૨૫ ટકા વધારાની ડયુટી દૂર નહીં કરે ત્યાં સુધી કોઈ વાતચીત થશે નહીં

Author: નોબત સમાચાર

અમેરિકા ૨૫ ટકા વધારાની ડયુટી દૂર નહીં કરે ત્યાં સુધી કોઈ વાતચીત થશે નહીં

ટેરીફ વોર વચ્ચે ભારતની સ્પષ્ટ વાત...

નવી દિલ્હી તા. ૨૯: ભારત અને અમેરિકા વચ્ચે લાંબા સમયથી ચાલી રહેલી વેપાર વાટાઘાટો ફરી એક વાર મુશ્કેલીમાં મુકાઈ ગઈ છે. ટ્રમ્પની દબાણની રણનીતિ સામે ભારત નમવા તૈયાર નથી. ભારતે સ્પષ્ટ કરી દીધું છે કે જ્યાં સુધી અમેરિકા ૨૫% વધારાનો ટેક્સ હટાવશે નહીં, ત્યાં સુધી કોઈ વાતચીત થશે નહીં. મીડિયા રિપોર્ટ્સ મુજબ વાણિજ્ય અને ઉદ્યોગ મંત્રાલયના એક વરિષ્ઠ અધિકારીએ આ માહિતી આપી છે.

સૂત્રોના જણાવ્યા અનુસાર, અમેરિકી પ્રતિનિધિમંડળ ૨૫ ઓગસ્ટના નવી દિલ્હી આવીને વાતચીત ચાલુ રાખવાનું હતું, પરંતુ ડોનાલ્ડ ટ્રમ્પે અચાનક આ કાર્યક્રમ રોકી દીધો. ટ્રમ્પે ભારત દ્વારા રશિયા પાસેથી તેલ ખરીદવાને મોટો અવરોધ ગણાવ્યો અને કહૃાું કે જ્યાં સુધી આ મુદ્દો ઉકેલાય નહીં, ત્યાં સુધી કોઈ વેપાર કરાર શક્ય નથી.

અધિકારીએ કહૃાું કે, સરકાર અમેરિકા સાથે વાતચીત કરી રહી છે અને માત્ર ૨૫ ઓગસ્ટના રોજ થનારી વાટાઘાટોનો રાઉન્ડ મોકૂફ રાખવામાં આવ્યો છે. અમે હાલમાં વેપાર કરાર પર વાતચીત કરી રહૃાા નથી, પરંતુ વાતચીત હજુ ચાલુ છે. કરાર પર વાતચીત કરવા માટે, પહેલા વધારાના ૨૫% ટેક્સ પર વિચાર કરવો પડશે. કારણ કે જો આપણે વેપાર કરાર કરીએ અને વધારાનો ટેક્સ હજુ પણ લાગુ હોય, તો તે આપણા નિકાસકારો માટે કોઈ મહત્ત્વનો રહેશે નહીં.'

ટ્રમ્પે ૬ ઓગસ્ટે જાહેરાત કરી હતી કે રશિયા પાસેથી ભારતના ક્રૂડ ઓઈલની આયાત પર ૨૫% વધારાનો ટેક્સ લાદવામાં આવશે. ભારતનું આ પગલું અમેરિકી હિતોની વિરુદ્ધ છે અને તેનાથી બંને દેશો વચ્ચે સંતુલિત વેપાર કરારની શક્યતાઓ પર અસર પડી છે.

ભારત અને અમેરિકા વચ્ચે છેલ્લા ઘણા વર્ષોથી વ્યાપક વેપાર કરાર માટે પ્રયાસો થઈ રહૃાા છે. ઘણા રાઉન્ડની વાટાઘાટોમાં કૃષિ, ઇન્ફર્મેશન ટેકનોલોજી, દવાઓ અને ઉર્જા ક્ષેત્ર સાથે સંબંધિત મુદ્દાઓ ઉઠાવવામાં આવ્યા છે. જોકે, મોટાભાગે ટેક્સ અને આયાત-નિકાસની શરતો પર અસંમતિને કારણે કરાર અટકી ગયો છે. ૨૦૧૯માં પણ બંને દેશો વચ્ચે ટેક્સ વિવાદ વધી ગયો હતો, જ્યારે અમેરિકાએ ભારતને 'જનરલાઈઝ્ડ સિસ્ટમ ઓફ પ્રેફરન્સીસ' (જીએસપી)ની યાદીમાંથી બહાર કરી દીધું હતું. આ પછી, ભારતે પણ અમેરિકન ઉત્પાદનો પર વળતો ટેક્સ લગાવ્યો હતો.

જો આપને આ પોસ્ટ ગમી હોય તો શેર કરો...