Author: નોબત સમાચાર
સોયલ ટોલનાકા પાસે અકસ્માતગ્રસ્ત યુવાન-સેવાભાવીને બીજી મોટરની ટક્કર
ઈજાગ્રસ્તનું મૃત્યુઃ બે મોટરચાલક સામે ફરિયાદઃ
જામનગર તા.ર૯ : ધ્રોલ નજીક સોયલ ટોલનાકા પાસે રવિવારે રાત્રે એક મોટર અજાણ્યા યુવાનને ઠોકર મારી નાસી ગયા પછી ઈજાગ્રસ્તને સાઈડમાં લઈ રહેલા સેવાભાવીને બીજી મોટરે ઠોકર મારી હતી અને ઈજાગ્રસ્તના પેટ પરથી તે મોટર ફરી વળી હતી. આ અકસ્માતમાં ઈજાગ્રસ્તનું મૃત્યુ નિપજ્યું છે. પોલીસે બંને મોટર ચાલક સામે ગુન્હો નોંધ્યો છે.
જામનગર-રાજકોટ માર્ગ પર આવેલા ધ્રોલ નજીકના સોયલ ટોલનાકા પાસેથી રવિવારે રાત્રે દસેક વાગ્યે એક અજાણ્યા યુવાન રોડ સાઈડમાં ચાલીને જતા હતા.
આ વેળાએ જીજે-૧૦-એપી ૫૧૬૮ નંબરની મોટર આ અજાણ્યા યુવાનને ઠોકર મારી નાસી ગઈ હતી. ઈજા પામેલા આ યુવાનને ધ્રોલ તાલુકાના નથુવડલા ગામના હસમુખભાઈ જયંતિભાઈ કગથરા તથા અન્ય વ્યક્તિઓ રોડ વચ્ચેથી ઉઠાવીને સાઈડ તરફ લઈ જતા હતા ત્યારે જીજે-૧૦-એપી ૮૩૬૫ નંબરની બ્રીઝા મોટર પુરપાટ ઝડપે ધસી આવી હતી.
તે મોટરે હસમુખભાઈ તથા તેઓએ જેને ઉઠાવ્યા હતા તે ઈજાગ્રસ્તને ઠોકરે ચઢાવ્યા હતા. જેમાં હસમુખ ભાઈને ઈજા થઈ છે. જ્યારે ઈજાગ્રસ્ત અજાણ્યા યુવાનના પેટ પરથી આ મોટર ફરી વળતા તેઓનું મૃત્યુ નીપજ્યું છે. ધ્રોલ પોલીસ સ્ટેશનમાં હસમુખભાઈએ બંને મોટરના ચાલક સામે ફરિયાદ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
