Author: નોબત સમાચાર
કાલાવડમાં જેટકોના નાયબ ઈજનેર તથા સ્ટાફની ફરજમાં મહિલાની રૂકાવટ, ધમકી
ફિનાઈલ પી લેવાની પણ મહિલાએ દાટી મારીઃ
જામનગર તા. ૨: કાલાવડની હેલીપેડ સોસાયટી પાસે ૬૬ કેવીની વીજલાઈનના સમારકામ માટે ગઈકાલે ત્યાં પહોંચેલી જેટકોની ટીમને કામ બંધ કરી દેવાનું કહી એક મહિલાએ ધમાલ કર્યા પછી પથ્થરમારો કરવાની અને ફિનાઈલ પી લેવાની ધમકી આપી જેટકોના નાયબ ઈજનેરની ફરજમાં રૂકાવટ કરતા પોલીસમાં ફરિયાદ કરાઈ છે.
જામનગરના બેડીબંદર રીંગ રોડ પર રહેતા અને ગુજરાત એનર્જી ટ્રાન્સમીશન કોર્પોરેશન (જેટકો)માં નાયબ ઈજનેર તરીકે ફરજ બજાવતા પંકજભાઈ કે. સોલંકી અને અન્ય કર્મચારીઓ ગઈકાલે સવારે કાલાવડ શહેરમાં હેલીપેડ સોસાયટી પાસે કામ પર હતા.
ત્યાંથી પસાર થતી ૬૬ કેવીની વીજલાઈનના ચાલી રહેલા સમારકામ વચ્ચે દયાબેન ભીમજીભાઈ મકવાણા નામના મહિલા ત્યાં ધસી આવ્યા હતા. આ મહિલાએ કોને પૂછીને અહી કામ કરો છો તેમ કહી બોલાચાલી શરૂ કર્યા પછી ધમાલ મચાવી હતી.
ઉપરોક્ત મહિલાએ વીજ થાંભલા સાથે બાંધેલા રસ્સા ખોલી નાખી કામ બંધ કરી દેવાની તાકીદ કરી હતી અને કામ બંધ નહીં કરો તો પથ્થરમારો કરવાની ધમકી આપી સ્થળ પર જ ફિનાઈલ પી લેવાની દાટી પણ મારી હતી. આ મહિલાએ ફરજમાં રૂકાવટ કર્યાની પંથકભાઈ સોલંકીએ કાલાવડ શહેર પોલીસ સ્ટેશનમાં ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
