Author: નોબત સમાચાર
ચોરાઉ એક્સેસ સાથે એક શખ્સ તથા કાયદાથી સંઘર્ષિત કિશોર ઝડપાયા
હર્ષદમીલની ચાલી પાસેથી ચોરાયું હતું સ્કૂટરઃ
જામનગર તા. ૨: જામનગરના રણજીત સાગર રોડ પર હર્ષદ મીલની ચાલી નજીકથી ગયા બુધવારે એક આસામીનું એક્સેસ સ્કૂટર ચોરાઈ ગયું હતું. તે ગુન્હામાં પોલીસે ચોરાઉ સ્કૂટર સાથે એક શખ્સ તથા કાયદાથી સંઘર્ષિત કિશોરને પકડી લીધા છે અને સ્કૂટર કબજે કર્યું છે.
જામનગરના એક આસામીનું સફેદ રંગનું એક્સેસ સ્કૂટર તાજેતરમાં ચોરાઈ ગયું હતું. તેની પોલીસમાં કરાયેલી ફરિયાદ પછી ગઈકાલે સિટી એ ડિવિઝનના સર્વેલન્સ સ્ટાફ દ્વારા કરવામાં આવી રહેલા પેટ્રોલિંગમાં બે વ્યક્તિ ચોરાઉ લાગતા સ્કૂટર સાથે નીકળ્યા હોવાની બાતમી મળતા પીઆઈ એન.એ. ચાવડાની સૂચનાથી સ્ટાફે વોચ રાખી હતી.
તે દરમિયાન કાયદાથી સંઘર્ષિત એક કિશોર તથા મોરકંડા રોડ પર રબારી પાર્ક પાસે રહેતા રેહાન હારૂન બ્લોચ નામના અન્ય એક શખ્સને પકડી લેવામાં આવ્યા હતા. તેઓની પાસે રહેલા જીજે-૧૦-ઈએ ૪૪૪૯ નંબરના સ્કૂટર અંગે પૂછપરછ કરતા આ શખ્સે તે સ્કૂટર ચોરી કર્યાની કબૂલાત આપી છે. પોલીસે રૂ.૪૫ હજારનું સ્કૂટર કબજે કરી બંને વ્યક્તિ સામે કાર્યવાહી કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
