Author: નોબત સમાચાર
હથિયાર સાથે સોશિયલ મીડિયામાં વીડિયો વાયરલ કરનાર કાલાવડના બે શખ્સ ઝડપાયા
હથિયાર સાથે સીનસપાટા કરવા ભારે પડ્યાઃ
જામનગર તા. ૮: જામનગર જિલ્લાના કાલાવડ પંથકમાં લાયસન્સવાળા હથિયારના ફોટા તથા વીડિયો બનાવીને સોશિયલ મીડિયામાં વાયરલ કરનાર બે શખ્સને એસઓજી પોલીસે ઝડપી પાડ્યા છે અને તેની સામે ગુન્હો નોંધી લાયસન્સવાળુ હથિયાર કબજે લીધુ છે.
જામનગર પોલીસની એસઓજી શાખાના પોલીસ ઈન્સ્પેક્ટર બી.એન. ચૌધરી અને પોલીસ સબ ઈન્સ્પેક્ટર એસ.પી. ગોહિલ દ્વારા આવારા તત્ત્વો હથિયારના ફોટા-વીડિયો બનાવી વાયરલ કરી સમાજમાં ભય ફેલાવી પોતાની ધાક જમાવવા માટે સીનસપાટા કરતા હોય આવા શખ્સોને સોશિયલ મીડિયાના માધ્યમથી શોધી કાઢવા અને તેમની સામે જરૂરી કાર્યવાહી કરવા સૂચના આપી હતી.
આથી એસઓજીનો સ્ટાફ જરૂરી તપાસ કરી રહ્યો હતો તેમાં ફેસબુક આઈડી ભાયો ગઢવી ધારકે પોતાની ફેસબુક પોસ્ટમાં એક વીડિયો અપલોડ કરેલ હતો. જે વીડિયોમાં એક શખ્સ જાહેરમાં પોતાના હાથમાં એક રિવોલ્વર રાખેલ હોય તેવું જોવા મળ્યું હતું. આથી હકીકતની ખરાઈ કરવામાં આવતા આરોપી ભાયા પોલાભાઈ માલાણી (ઉ.વ.ર૪, રહે. શીતલા કોલોની શેરી નં.૧)એ પોતાના મિત્ર રમેશભાઈ વસરામભાઈ ઘાડીયા (રહે. ધોરાજી રોડ, કાલાવડ)ની લાયસન્સવાળી રિવોલ્વર સાથેનો ફોટો પાડી તેનો વીડિયો બનાવી સોશિયલ મીડિયામાં વાયરલ કરી સમાજમાં ભય ફેલાવી પોતાની ધાક જમાવવાનો પ્રયત્ન કર્યાે હતો. આથી પોલીસે રૂ.૮૦ હજારની કિંમતની લાયસન્સવાળી રિવોલ્વર કબજે કરી બંને આરોપી ભાયા માલાણી અને રમેશ ઘાડીયાની અટકાયત કરી છે અને તેની સામે ગુન્હો નોંધ્યો છે. આ અંગેની વધુ તપાસ એએસઆઈ વી.ડી. ઝાપડીયા ચલાવી રહ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
