Author: નોબત સમાચાર
ભાણવડનો વર્તુ-ર ડેમ છલકાતા દરવાજા ખોલાતા નીચેના વિસ્તારોમાં પાણી ભરાયા
રાવલ-પોરબંદર માર્ગ પાણી-પાણી...
ખંભાળિયા તા. રપઃ દેવભૂમિ દ્વારકા જિલ્લાના ભાણવડ પાસે આવેલો તથા દ્વારકા અને પોરબંદર બન્ને જિલ્લા ગામોને અસરકરતો વર્તુ-ર ડેમ ભરાઈ જતા ઉપરવાસ ભારે વરસાદથી પાણીની ખૂબ આવક હોય, દરવાજા ખોલાતા નીચેના વિસ્તારમાં પાણી-પાણી થઈ ગયું હતું.
દેવભૂમિ દ્વારકા જિલ્લાના ભાણવડના ઝરેરા, ચણપરડા, કલ્યાણપુરના ગોરાણા, રાવલ, હર્ષદ, ગાંધવી, પોરબંદરના ઈશ્વરિયા, ભોમિયાવદર, ભારાવાડા, સોઢાણા, ફટાણા, ગોરાણા, મિંયાણી, સીંગડા વિગેરે ગામોના લોકોને નદીના પટમાં ના જવા તથા અવરજવર ના કરવા સૂચના આપવામાં આવી હતી તથા સાવચેત રહેવા જણાવાયું હતું. ૭.૭૦ મીટર ઊંચાઈનો આ ડેમ આખો ભરાઈ ગયો છે, જેના છ દરવાજા ચાર ફૂટ ખોલાતા નીચેના વિસ્તારોમાં પૂર આવી ગયા હતાં તથા ડેમમાંથી ધોધ નીકળ્યા હતાં. ભાણવડના ઈન્દ્રશ્વરના ત્રિવેણી સંગમથી આગળ બનેલ આ વર્તુ ડેમ ઓવરફ્લો તથા દરવાજા ખૂલવાની જાણ નીચેના ગામોના લોકોને સરપંચોને તંત્ર દ્વારા કરવામાં આવી હતી, પરંતુ તંત્રએ મીડિયાને ના જણાવતા લોકો સોશિયલ મીડિયાનો ઉપયોગ કરનારાઓને બહુ મોડી જાણ થઈ હતી. ડેમના દરવાજા ખોલાતા જામરાવલ પાણી-પાણી થઈ ગયું હતું તથા કેટલાક રસ્તાઓ બંધ થઈ ગયા હતાં, તો ખંભાળિયા-પોરબંદર રસ્તા પરના અવરજવરને પણ ક્યાંક પરેશાની થઈ હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
